منيو » منيو ورقم مطعم سي علي

سي علي السفرة كاملة ب ٢٨٠ وتكفى ٤ يعنى تفضل تاكل تاكل تاكل تاكل .. و في الاخر تدفع 70 جنيه وكمان مش من اى حد دة الشيف الرسمى للنادى الأهلى محمد الدالى اللى بيروح معاهم كل السفريات والمعسكرات دي حاجة جميلة أوي 😃 عاملين وجبة ل 4 أفراد عبارة عن: نص كيلو كفتة + نص كيلو فراخ شيش + حمامتين مشويين + 4 طواجن، اختارنا 2 بطاطس و 2 مولوخية + 4 اطباق رز بشعرية + 4 سلطة 2 سلطة خضراء و 2 طحينة + 4 مشروب رمضاني الحفلة دي شاملة الخدمة و الضريبة ب 280 جنيه شاملة الخدمة و الضريبة و كل حاجة، يعني كل واحد هيدفع 70 جنيه و فعلا هتفضل تاكل لحد ما تشبع و تجيب ناس تشبع 😃 وجبة فطار كاملة و الاهم من إنها اقتصادية إن الاكل كله كان حلو اوي، الفراخ الشيش تتبيليتها ممتازة، تسويتها مثالية و انت بتاكلها تلاقيها طرية زي الجاتو، الكفتة طرية و باين فيها طعم الشوي عالفحم و الكفتة بالنسبالي حلاوتها لما اخدها في لقمة عيش و انزل بيها في الطحينة و تتاكل على طول .. و بالمناسبة الطحينة كمان حلوة و سلطة الطماطم طازة طاجن المولوخية عندهم من الحاجات اللي لازم تجربها، هتلاقيها عاملة عرق محترم و دي بقى تنزل بيها عالرز و تقلب الميكس دا و مع أول معلقة التوم هيدخل يغذي مركز السعادة في المخ و تقضل تاكل كدة لحد ما توصل لمرحلة الزأططة 😃 الوجبة دي بيتقدم معاها مشروب رمضاني مع الفطار و فعلا دي كانت أحلى كوباية قمر الدين اشربها السنة غير الوجبة دي عندهم شوية طواجن تحفة انصحكم تجربوها، زي المسقعة باللحمة المفرومة، الطاجن دا على وشه شوية بصل متشمعين في الفرن و الطاجن مليان لحمة مفرومة و شاربة من صلصة الطماطم و حاجة عجب 😋 المكان هادي و الاضاءة فيه هادية، و الشباب معاملتهم للضيوف شيك جدا

العنوان : ٤١٦ ن شارع الجيش – بوابة مينا – حدائق الاهرام

التليفون : 01155688282

افتح منيو المنيو منيو ورقم مطعم سي علي | منيو مطاعم توصيل الطلبات - اطلب رقم المطعم Menu Restaurant
Advertisements

Comments are closed.