Trianon مكان من سنة 1905 بس مش متحف تقدر تقعد فيه وتفطر حاجة خفيفة مع الجرنال وهتحس فعلا أنك فى فيلم أبيض وأسود تخيل لما تدخل المكان وتلاقيه زى ما أتعمل من 115 سنة اللوحات الزيت اللى ع الحيطان اللى بتوقيع الرسامين الأيطاليين اللى رسموها اللى كأنها مرسومة دلوقتى مع الخشب اللى بيلمع و الموسيقى الهادية اللى جاىه من كل مكان ..وتسأل نفسك هو كام واحد قعد فى المكان دة قبلي ولا جنسياتهم أيه ؟؟ البيانو اللى موجود فى المكان .. من الأماكن اللي اول ما تفتح بابها تحس انك رجعت 50 سنة لورا وكفاية عليك الاحساس ده. الديكور الخشب، الهدوء، الويترز المحترمين. القهوة والمشروبات بتاعتهم كلها ممتازة ولو حبيت تدلع نفسك بفطار هادي ورايق برده مش هتلاقي احسن منه.. المكان ده يليق علية اوى الفطار الكونتيننتال مع القهوة ودة بيبقى عبارة عن توست و كرواسون وزبدة ومربى وعسل مع القهوه أو العصير والكلام ده ب 62.5 … بس دة ميمنعش ان عندهم وجبة فطار بتاعت الفول والطعمية والبيض والجبنة ب 58.5 المكان فيه رخصة سياحية فبيبقى عامل منيمم 55 جنية بس الكلام دة بداية من الساعه 1 ظهرا يعنى من الحاجات الجميلة اللى ممكن تعملها أنك تروح فى اى وقت تاخد المشروب اللى انت عاوزة وتقوم تنقيلك حاجة من الحلويات اللى بتيجى فريش كل يوم الصبح ولا الكرواسون ( قطعة الجاتوة ب 16 جنية ) مكان موجود قبل ما بحر أسكندرية يبقى موجود ? ? ويستاهل ان يتحط على قائمة المزارات فى الأسكندرية

العنوان : محطة الرمل – تقاطع شارعع صفية زغلول مع شارع سعد زغلول

التليفون : 01226826673