منيو » منيو ورقم مطعم نص حواوشى

نص حواوشي بعد رمضان كلنا عايزين ناكل أكل حرش .. مين نفسه في حواوشي؟ ايه مواصفات الحواوشي الجامد؟ عيش بلدي مقرمش، قلبه طري و مليان لحمة حلوة و تتبيلة مظبوطة و هي دي فكرة نص حواوشي 😉 الناس دي اشتغلت على كل نقط القوى اللي يطلعوا منها بحواوشي جامد و عملوا المنيو كلها حواوشي بس .. لكن مش أي حواوشي أول رغيف جربته عندهم: حواوشي لحمة، جبنة، و بيكون مبدئيا كدة تتبيلة اللحمة دي مش هتلاقي أي حد تاني بيعملها، دي حاجة معمولة بمزاج أوي و فيها طعم بحبه أوي “زي حاجة لبناني اسمها عرايس او اللحم بالعجين” و اللي مخليها أحلى و أحلى جودة اللحمة و درجة الفرم، مع الجبنة و هي سايحة في قلب اللحمة و شرايح البيكون واخدة كل دا بالحضن، بصراحة أنا كنت مبسوط اوي بطعم اللحمة و التوابل اللي فيها “عبقرية” و دا بالنسبالي هيفضل الاختيار الاول 😍 تاني رغيف: حواوشي بالسجق و جبنة موتزريلا السجق هما اللي بيعملوه عشان يضمنوا جودته و طعمه، و الرغيف بيبقى فيه سجق صوابع و سجق مفروم، الاتنين بيستوا مع بعض مع الجبنة الموتزريلا، هوب الجبنة تسيح في النص .. هوب تلاقي طعم خطير خطير، و دا من الحاجات اللي لازم تجربوها و متأكد انها تعجبكم عاملين الحواوشي بكل الافكار اللي تخطر على بالك، انت تقدر تطلب الميكس اللي على مزاجك، و في ميكسات مظبوطة هما عاملينها جاهزة في المنيو و دي اللي بتعجب أغلب الناس، دي بقى اختراعات بنفس فكرة الحواوشي بس بمكونات مختلفة تماما عن الحواوشي المعروف اول اختراع جربته حواوشي الفراخ بالجبنة الشيدر و التركي الفراخ بتبقى عبارة عن قطع شيش طاووق متتبلة حلو اوي و متقطعة صغيرة “مش مفروم” و دي حاجة حلوة في حد ذاتها كجودة، مع التركي اللي بيديها الطعم المدخن شوية و طبعا الجبنة بتسيح بين الاتنين عاملين كمان حواوشي كبد و قوانص فراخ سادة بتتبيلة خاصة بيهم، دا هيعجب أكيلة الكبد و القوانص أوي، خصوصا مع الطحينة و المخلل أخر ميكس جربته في الحواوشي محشي تركي و جبنة شيدر بالبسطرمة، متنساش إن العيش بيقرمش في كل قطمة 😋 الرغيف دا يعتبر أخف حاجة و في نفس الوقت طعم جديد بس حلو اوي الاختراعات مش حواوشي و بس، البطاطس بيقدموها عبارة عن بطاطساية على بعضها راشقة في سيخ زي بتاع الشيش طاووق و متقطعة حلقات داير ما يدور، و عليها رشة توايل و صوص حبنة شيدر حلو اوي 👍 كمان عاملين مشروب ليمون نعناع بلبن رايب 😍 متتخضش دا طلع ملوش حل 👌 بينزل و هو ساقع كدة يرطب على قلبك و ينعنشك عالاخر، انا ممكن اشرب منه اي كمية من كتر ما هو فعلا عجبني أوي و الجديد بقى حواوشي تشيكن كرسبى بالموتزريلا والزيتون، دا بقى لاكيلة الحواوشي و الكريب 2 في 1 حاجة كدة ترضي كل الاذواق و يستاهلوا عليها براءة اختراع 🥇 المطعم دا عامل قلبان من ساعة ما فتح، و المميز فيه إنهم وصلوا لطعم تتبيلة حواوشي جبار، فعملوا المطعم حواوشي بس، و اشتغلوا على التعليقات اللي كانت بتجيلهم عشان يوصلوا للحجم، الجودة، الكمية و السعر المناسبين و قبل كل دا طبعا إهتمامهم بالنضافة سواء في المكان نفسه أو في الاكل و إنهم بيستخدموا خامات ممتازة من أول اللحوم لحد تغليف الاوردر في الدليڤري موجودين على اوبر ايتس و اطلب

العنوان: شيراتون المطار، بالقرب من فندق راديسون بلو تحت كوافير اى وان، هتلاقي علم مكتوب عليه نص حواوشي عند السلم اللي بيوصلك للمطعم

رقمهم 01001077887

افتح منيو المنيو منيو ورقم مطعم نص حواوشى | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply