fbpx

Sinadore Lounge اسكندرية


Sinadore Lounge
شايفين المكان ده
أهو المكان ده تدخله ولا حد يقولك ولا منيمم ولا خدمة ولا ضريبة ولا اى حاجة ..
أنت تخش تطلب من المنيو اللى أنت عاوزه وتقعد فى كل ركن تتصور أو تقعد تخلص شغل ..
طيب خلينا نقولكم على حاجة تانية مفاجأة فى الأكتشاف ده أنت ممكن تعمل عيد ميلادك او عيد ميلاد حد عزيز عليك من غير اى فلوس تدفعوها غير اللى هتطلبوه ( أنشالله تروحوا تعمل العيد ميلاد وتطلبوا شاى بس ) وكمان بيعملوا زينة عيد الميلاد ببلاش يعنى لا بياخدوا سيرفس تورته ولا منيم ع الفرد زى معظم الأماكن
المكان من اول ما تدخلة هتلاقى القعدات فيه متنوعة أوى وبألأخص الديكورات وعموما المكان ده موجود فى نفس مكانه من سنه 2001 وسبب شهرته انه بيعمل مشروبات غريبة اوى والحلويات كمان
طيب هو عنده ايه مميز ؟؟؟
أغرب حاجة لقيناها هى ال Black Lemon ودة ليمون بس لون العصير أسود بس هما بيتحدوا أى حد يعرف سر الأختراع ده وسبب لونة ( بس عموما فى الاخر هو طعمه ليمون عادى بس شكله حلو )
وفى كمان ال Blue Black Coffee ودى بتبقى مشروب سوفت من تحت أزرق وفى النص صودا و فوق السبرسو لما الموضوع يتقلب على بعضة بيخلى الطعم حلو اوى .. والحلو بقى chocolate fusion extreme ودى 3 بولات أيس كريم شوكلاتة وعليها كيت كات و مارس وسنيكرز وبعد كدة تاخد صوص الشوكلاتة ( على فكرة كل أسكندرية بتاكل أيس كريم فى الشتا ? )
والحلو التانى اللى جربناه هو اللى على أسمهمكريب سينادور ودة كريب محشى نوتيلا وعلية نوتيلا من فوق وكيت كات وشوكالته بيضا .. التركيبة على بعضها عظيمة اوى … المكان تهويته حلوة مع أن معظم الناس بتشرب شيشه هناك ( اللى عرفناه ان الشيشة بتاعته مميزة جدا فى الاسكندرية ) ودة اللى مخلى الناس كلها بتشرب شيشة عنده

العنوان : العنوان :٥ شارع احمد شكري خلف مول سان استيفانو – الأسكندريه

التليفون : 01284000970

وسم :

اترك تعليقاً

لن يتم نشر عنوان بريدك الإلكتروني.