منيو » منيو سوبرانو كافيه

Souprano شواية كفتة و شيش طاووق و قاعد بتاكل في مكان راقي وشيك جدا في التجمع عالنافورة “قصاد الجامعة الأمريكية” و بتسمع مزيكا و والكلام ده ب 100 جنيه
المكان دا اكتشاف حقيقي، و بنرشحه لكل اللي عايز يفصل و يغير جو، و ياكل اكله مشاوي حلوة من غير ما يدفع فلوس كتير سوبرانو من اسمه تحس ايطالي او مكسيكي، بس المرة دي اتفاجئنا انهم بيعملوا مشويات ممتازة جدا من ناحية جودتها
احنا جربنا الفطار قبل كدة في المكان دا و كان حلو اوي و اسعارهم ممتازة، المرة دي لسة بنمسك المنيو عشان نختار حاجة للغداء، لاقينا ناس قاعدين و نازلهم شواية و الدخان طالع منها ريحته متتقاومش عندهم عرضين على المشويات الاول ربع كيلو كفتة و ربع شيش طاووق مع سلطة ب 100 جنيه
و العرض التاني (الشواية الكبيرة) ودى تكفى أسرة كاملة ربع ريش ضاني، ربع كباب ، ربع كفتة، ربع شيش طاووق و رغيف حواوشي كل دا في شواية واحدة “مفيش فيها اي مكان فاضي” و بينزل معاها شواية تانية فيها نص فرخة مع الفلفل و البصل المشوي و 3 سلطات
طريقة التقديم في الشواية فخمة جدا و تخليك قاعد مبسوط من قبل ما تبدأ اكل حتى و كل الحفلة دي ب 360 جنيه وتكفي من 4 ل5 افراد
تقريبا الجميل بقى ان كل حاجة واخدة حقها في التتبيلة و الشيف خبير في الشوي و دا كان باين من ان اللحمة مستوية كويس و في نفس الوقت طرية مش ناشفة ، كمان الفراخ المشوية تتبيليتها لذيذة جدا بيقدموها مخلية عشان تتاكل بشياكة من غير ما تفضل تفصص اللحم من العضم، المطعم فيه قعدة Indoor مكيفة “دورين” بس القعدة ال Outdoor اوسع و الview فيها حلو اوي قصاد النافورة و صوت المياة مع المزيكا في كل مكان
ممكن تروح اي يوم بعد شغلك تفصل شوية و تغيير جو، او تاخد يوم اجازة من اوله و تقعد تستمتع بالجو دا العرض ساري على الصالة و الدليڤري و التيك اواي
*في خدمة و ضريبة على الاسعار

العنوان: التجمع الخامس، مول The spot بوابة رقم 4 امام الجامعة الأمريكية

رقمهم 01020298442

افتح منيو المنيو منيو سوبرانو كافيه | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply