ده المكان اللى يتضربله مشوار ?
المكان : Steak In
إحنا بنحسد كل من هو ساكن فى أكتوبر علشان قريب من المكان ده ? الناس فيه معاملتهم حلوة قوى و دى كفاية لوحدها ♥
أول طبق طلبناه ميكس كوردن بلو و ده عبارة عن قطعة صدر فراخ مقلية و قطعة مشوية و الإتنين محشيين سموكد بيف و جبنة و نزلنا معاهم مكرونة إسباجتى ريد صوص و مشروم صوص ?
جربنا بعده طبق اسمه فيليه ستيك لافر و ده عبارة عن قطعتيك لحمة ستيك مشويين صح قوى و جوسى و بتدوب فى البق و نزلنا مع الطبق مكرونة بالوايت صوص و ماشروم صوص ??
طلبنا كمان جريل تشيكن فاهيتا ? و ده عبارة عن شرائح صدور فراخ مشوية و متقطع تحتيها بصل و فلفل مشويين و بيتقدم معاها رز مكسيكى و الفاهيتا بتنزل على الجريل قدامك ♥
نزلنا بعده كانترى فرايد تشيكن و ده عبارة عن قطعتين صدور فراخ مقلية و عليهم سموكد بيف و جبنة ?? و بينزل مع الطبق رز و بطاطس أو نوع واحد مكرونة ??
دخلنا بقى على البرجر و علشان المكان ده بيفهم و بيقدر يعنى أيه أكل فبيعمل البرجر بنفسه من الألف للياء ??
جربنا ساندوتش اسمه ثيك تشيز بيف برجر و ده عبارة عن قطعة برجر ضخمة و تحتها خس و طماطم و حلقات بصل و خيار مخلل و مايونيز و متغرقة بالجبنة من فوق و طلبناها بالهالوبينو و لو مش عايزينها سبايسى أطلبوها من غير هالوبينو ?
طلبنا كمان لوس أنجلوس مشروم بيف برجر و ده عبارة عن قطعة البرجر العملاقة برضوا و تحتها طماطم و بصل و خس و خيار مخلل و مايونيز و بيتحط على البرجر من فوق صوص مشروم و قطع الفريش مشروم المشوية و جبنة ???
قولنا ميصحش منجربش ساندوتشات الفراخ عنده فجربنا تشيكن مشروم و ده عبارة عن صدور فراخ مشوية و قطع المشروم المشوية مع صوص المشروم و معاهم طماطم و خس و بصل و عليهم من فوق جبنة ♥♥
دخلنا على المكرونة برضوا عشان منبقاش سبنا عنده حاجة مجربنهاش ? فطلبنا طاجن مكرونة بالسجق .. المكرونة بالصلصة و معاها سجق كتير قوى و بصل و فلفل و كل ده مستخبى تحت طبقة جبنة موزاريلا واخدة حتة وش فى الفرن هتشوفوه فى الصور?
طلبنا كمان تشيكن نودلز و دى عبارة عن مكرونة نودلز معاها كوسة متشوحة و فلفل ألوان و مرصوص على الطبق من فوق شرائح صدور فراخ ?♥

العنوان : ٦ أكتوبر – الحى ال١١ – أبراج سيتى ستارز – المحور المركزى

التليفون :٠١٠٦٢٠٥٠٦٨٦