fbpx

رقم و منيو مطعم تاياكى

Taiyaki
الاختراع دا لسة واصل مصر من كوكب اليابان الشقيق
الجو حر مش مشكلة اديها تاياكي
حاجة ترطب على قلب الواحد و تديلك جرعة انتعاش و طراوة حتى في عز الصيف
سمكة الايس كريم دي اللي كل ما حد يروح اليابان لازم يجربها و يتصور بيها دلوقتي بقيت موجودة في مصر و الايس كريم الاسود كمان
السمكة بتبقى عبارة عن وافل بتتحشي كاسترد او نوتيلا او لوتس و بؤ السمكة بيتملي سوفت ايس كريم
بس دا مش اي ايس كريم طبعا في بالڤانليا و الشيكولاتة و ممكن تعمل ميكس الاتنين مع بعض
بس الجديد بقى ايس كريم “الماتشا” و الاكيد انك لو بتحب الشاي الأخضر هيعجبك اوي لانه بنفس الطعم + طعم الڤانليا بتبقى جرعة رهيييييبة .. تحس انك خدت شحنة فريون و الجو بقى جميل في ثواني
و بتبدأ مرحلة تانية من الاستمتاع بقى اول ما الايس كريم يخلص و تبدأ تقرقش في السمكة نفسها و توصل للحشو، طعم اللوتس و النوتيلا بيبقى واضح اوي و باظظ خاااالص من قلب الوافل
انت بتبقى مستمتع من اول ما الراجل بيبدأ يعمل السمكة و ريحة الوافل دي لوحدها بتخليك متحمس اوي للتجربة حتى الايس كريم الكونو عندهم مختلف جداً عن العادي
البسكوتة في منها اسود و احمر و الايس كريم كمان في منه نوع لونه اسود
اول ما شوفته قولت يا ترى دا بطعم ايه؟
فحم ولا توت طلع بطعم جوز الهند و طعمه جااااامد جدا
و طول ما انا باكل فيه كان اي حد يشوفني بيبقى مستغرب اوي
بيعملوا كمان Milkshake و ممكن تضيف عليه صوص بالطعم اللي يعجبك، و احلى حاجة انهم مهتمين بكل التفاصيل، يعني حتى الشاليمو عاملينها من نوع مخصوص عشان تشربه بسهولة

عنوان مطعم تاياكى
التجمع الاول عند بنزينة وطنية B-Yard

رقم تليفون دليفري مطعم تاياكى
01115552030

صور و منيو مطعم تاياكى
خروجات حوزو
وسم :

اترك تعليقاً

لن يتم نشر عنوان بريدك الإلكتروني.