مطعم Yumex
بدأنا بالبيتزا فراخ مشوية حجم عائلي و معاها ٢ كانز و كول سلو و فرايز تكفي ٢ أكيله و دفعنا ٩٩ جنيه بس!
جربنا كمان وجبة ” سوبر كريسبي” عبارة عن ٧ قطع ستريبس و رز و كول سلو و فرايز و توميه ب ٦٦ جنيه ، كانت مقرمشة و مستوية و أجمل حاجه إنها كانت قطع بيضاء نضيفة مش حاجه formed و تتبيلتها حلوة و قولنا نجربها بشكل تاني فا طلبنا “ساندوتش تويت رول ” و ده عبارة عن ٢ ستربس ملفوفين في عيش تورتيلا مع صوص و خس و طماطم و جبنة ، طعم العيش كان حلو معمول بحرفنه و ميكس الستربس مع الصوص و الجبنة عجبنا
و عندهم salad bar في أنواع سلطات كتير و مبتكرة تقدر تطلبه مع الأكل و سعره ٤٢ جنية.
طلبنا ف الدرينكات “ كوكتيل yumex” كان عباره عن مانجو و فراوله و كيوي و موز و تفاح كان فظيع لاحظنا إن و كل الفاكهة فريش ❤
اللي بيحبوا المشروبات السخنة فا إحنا جربنا الأمريكان كوفي كانت معموله زي ما الكتاب بيقول و الكابوتشينو كان حلو جداً و عموماً عندهم مشروبات كتيرة جداً حلوة و فيها إفتكاسات المكان عموما ميزته أنه مناسب كافيه أو مطعم زي ما تحبو و أسعاره لطيفه ❤

عنوان مطعم يمكس
* التجمع الخامس – الحي التاني بجوار المحلاوي.
* الرحاب – السوق الشرقي

رقم تليفون دليفري مطعم يمكس
16049

صور و منيو مطعم يمكس