منيو » رقم دجاج زاد

دجاج زاد الفراخ المقلية من الحاجات المحببة للنفس البشرية🍗😍 في ايه اجمل من ان الفراخ يبقى لونها دهبي و مقرمشة و قلبها ابيض و مستوي و ملهلب مع التومية 💓 الوجبة بتبدأ من 27 جنيه و الساندوتش من اول 18 جنيه و مفيش زيادة ولا خدمة و لا ضريبة انا أول ما شوفت المنيو افتكرتها منيو قديمة، بس روحت و لاقيت دي فعلا الاسعار اللي شغالين بيها دلوقتي، طيب كدة اتطمنت على الاسعار ناكل بقى و نشوف الاكل اخباره ايه؟ طلبت وجبة دينر 4 قطع، الفراخ لونها الدهبي و ريحتها يفتحوا النفس اوي، مش شاربة زيت و تتبيليتها التتبيلة الاوريجنال مفيش فيها اي افتكاسات و دا في حد ذاته جميل جدا، لحم الفراخ ابيض و متنضفة كويس جدا، و القطع حجمها حلو اوي، يعني الوجبة ال 4 قطع دي تسد حلو اوي مع واحد اكيل و ب 49 جنيه بيتقدم معاها بطاطس محمرة و عيش كايزر “طري زي القطن” مع التومية بتاعتهم .. التومية هما اللي بيعملوها و احلى ما فيها ان دي تومية بجد و طعم التوم الفريش باين فيها و كانت عاملة دويتو حلو اوي مع الفراخ و البطاطس المحمرة جربت كمان ساندوتش تشيكين توستر اللي ب 18 جنيه 🌯 ساندوتش لطيف جدا و مكوناته بسيطة بس لذيذ، عبارة عن عيش تورتيلا ملفوف فيه قطع تشكين ستربس مع المايونيز و الخس، الميزة في الساندوتش دا انه يشبع و في نفس الوقت خفيف اوي طلبت معاه بطاطس بالجبنة، صوص الجبنة اللي بيحطوه على البطاطس مميز جدا تحس فيه بالطعم المدخن و طعم ال blue cheese و دي حاجة جميلة جدا طبعا من احلى الحاجات اللي لازم تجربوها هناك الكول سلو بردو هما اللي بيعملوها و واضح من قرمشة الكرنب و الجزر انها طازة و الدريسنج بتاعها طعمه غني و مفيش فيه اي افتكاسات و دي حاجة عجبتني جدا اني باكل الطعم اللي بحبه عندهم كمان الريزو بقطع الفراخ ب 18 جنيه بس حاجة كدة وجبة، الرز نفسه نوعه ممتاز و متبهر، و عليه قطع ال ستربس و عليها صوص سويت شيلي، يا دوب حرش لكن مش حراق، يعني لو مبتحبش الاكل سبايسي اطلبه عادي و انت مطمن اكبر ساندوتش عندهم ب 42 جنيه اسمه تشكين تاور 🍔 بيبقى دورين، اول طبقة فراخ عليها مايونيز و التانية عليها صوص الجبنة المدخن، الصوص دا مع الفراخ المقلية طعمه حلو اوي و جديد عشان هما اللي بيعملوه و العيش الكايزر طري و فريش لو عايز حاجة خفيفة ممكن تطلب ال ستربس، مقرمشة و تتبيليتها جميلة، طبعا بتكون مخلية من العظم و بتتقدم مع صوص باربكيو و صوص Honey mustered – بيتعمل عندهم و نفس الكلام الطعم الاوريجينال من غير افتكاسات احلى بكتير بالنسبة لذوقي الشخصي التجربة كلها جميلة، و اسعارهم اللي في المنيو هي اللي بتدفعها و مفيش زيادة عليها للخدمة او الضريبة

العنوان: مدينة 6 اكتوبر – الحي الاول، سنتر الامل امام معهد الفنون التطبيقية و بجوار كافيه واحد شاي

ارقامهم 0101384111301203333932في عندهم دليفري بيوصل لاي مكان في اكتوبر

افتح منيو المنيو رقم دجاج زاد | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply