رقم تمور زادنا

رقم تمور زادنا

Zadna
الخروجة اللى متكلفكش ألا ١٠ جنية ?? وفى الميرغنى مصر الجديدة
تتسلطن بكوباية قهوه وتاخد معاها واحدة معمول هدية وتعيش احلى جو
الخروجة دي مش هتكلفك كتير بس قمة في الروقان و تظبيط المزاج
تنزل تتمشى مع صحابك، و تروحوا تشربوا فنجان قهوة معتبر مع تشكيلة تمور درجة اولى و تقعد تاخد شفطة قهوة مع قطمة بلح و مش اي بلح انت هتنوع بين افخم انواع التمور
طيب انت جربت قبل كدة المعمول مع القهوة؟ ازاي حاجة بالجمال دا تسيبها كدة! الكلام دا ب 10 جنيه بس و هتاخد قهوة المزاج اوي
جرب كدة تقعد تشرب شاي كرك مع بلح و مكسرات، طبق التمر و المكسرات دا احنا اللي بنقيه و احلى حاجة انك ممكن تنقي بال 100 جرام و 50 جرام و تأزأز فيهم و انت بتشرب الشاي او القهوة العربي
و لو الدنيا جاية عليك اوي فى السقعة خدلك شوب سحلب معتبر ? مع شوية فواكه مجففة ??.. حاجة تانية خالص و مستوى عالي جدا من الدلع و الرفاهية ?
محلات زادنا للتمور تعتبر اكتر مكان في مصر متخصص في افخم انواع التمور و القهوة بأنواعها سواء قهوة تركي، عربي، او انواع الشاي المختلفة زي شاي الكرك و الشاي العدني
اول ما تدخل المحل هتشم ريحة جميلة، ريحة الهيل او الحبهان و هتلاقي كل انواع التمور الفاخرة اللي تتخيلها، اهمها و اشهرها تمور المدينة المنورة، و دي فعلا تعتبر اقيم و افخم تمور في العالم
هتلاقي كمان انواع عسل مختلفة زي عسل البردقوش، الموالح، البرسيم و العسل السعودي المشهور “عسل صدر جبلي” و دا بيعتبر من انقى انواع العسل لان النحل بيكون العسل دا من غير اي تدخل بشري
اكتر نوع استغربته العسل الكريمي “لونه ابيض” سألت عنه فا عرفت انه من روسيا و بيتخلط مع غذاء ملكات النحل اللي قيمته الغذائية فعلا مدهشة، دا غير إن فيه اكتر من 20 مضاد اكسدة، و مفيد جدا لزيادة المناعة للاطفال و الكبار
بيعملوا برطمان مكسرات بالعسل (مش عسل بالمكسرات) دا تاخد منه معلقة واحدة الصبح يبقى كانك خدت شفطة بنزين و مستعد تنزل تجري و تنطط في الشارع من كتر كمية الطاقة الرهيبة اللي في المعلقة دي، دا مفيد جدا للرياضين، و في طلاب كتير بياخدوه ايام الامتحانات عشان يديهم طاقة للمذاكرة
عندهم حاجة اسمها “كروكان” مشهورة اوي في الخليج، دي بتبقى عبارة عن عجينة تمر “عجوة” محشية شيكولاتة و مكسرات او جوز هند، و في حاجة كمان اسمها تمريات اللي هو التمر المحشي فستق، سمسم، كاكاو، قرفة، جوز هند، هيل، لبن و متغلف شيكولاتة .. الحاجات دي بتتقدم في الخليج زي الجاتوه السواريه كدة
و ممكن لو هتزور حد و عايز حاجة شيك، تعمل طبق تمور مشكل، كروكان، تمريات و عندهم حوالي 20 نوع معمول كلهم بنفس السعر (ماعدا الفستق) يعني ممكن تعمل كيلو مشكل و تدفع سعر الكيلو العادي .. العلب بتاعتهم شيك اوي و هتبقى داخل بحاجة قيمة و مميزة اوي
والاحلى بقى علشان افتتاح الفرع الجديد دة فى الميرغنى وفرع تانى فى ارابيلا فى خصم ٢٠ ٪؜ على اى حاجة من المحل فى الفرعين دول بس

تجربتنا كانت في فرع مصر الجديدة اللي في شارع الميرغني
بس ليهم فروع تانية كتير في اماكن مختلفة
مدينة نصر، مصر الجديدة، المهندسين، المعادي، 6 اكتوبر، التجمع الخامس، مدينتي و ليهم كمان فرع في اسكندرية

رقمهم01011755225

وسم : / / / / / /