منيو برجر هولمز

هو ده Holmes بتاع البرجر اللي قالب حال اسكندرية 😅
المكان : Holmes
من احسن مطاعم ال Burger اللي فتحت في اسكندرية و اثبت انه علامة من علامات اسكندرية في البرجر 😋 و كمان دلوقتي بقي فاتح طنطا و و في المنصورة هو يعتبر خروجة متكاملة لانه حقق شروط المتعة الثلاثة الاكل اللي طعمه حلو , التمشية علي بحر اسكندرية , كرونرات التصوير مع الديكور 😍 هو فروعه كتير جدا بس كلها ماشية في ال Decorations باستايل شبه موحد و هو استايل يحسسك انك في ااحد وارع بريطانيا 😍 فانت هتعرف تتصور حلو اوي هناك 😍 كوالتي اللحمة خصوصا في ال Beef عندو مميز جدا كل الBeef عندو هتحس بريحة Smoked كده تقريبا هم بيسووه علي الفحم 😘 جهز نفسك عشان الساندوتشات عنده حجمها كبير فلو انت مش اكيل متطلبش Chunky 😅 و جهز كرشك للمعركة و شمر كمامك للغوصة خصوصا لو طالب Cheesy Fries لان الجبنة كتير و تقيلة و ليها طعم كده فانت هتخش بوشك في الطبق تلقائيا كده 😍 علي عكس محلات برجر كتير هو عنده كل ال Sandwiches مش شبه بعضها كلها تقريبا مختلفة تماما سواء شكلا او طعما 😍 هنقولكم سريعا كده مكونات بعض الساندوتشات و لكم ان تتخيلو حلاوة الطعم خصوصا ان حب البرجر دفين اوي جوانا كن زمان عندك ( Yummy Burger ) ده ياممي فعلا لانك هتحس في بالبرجر ال Old School شوية ده برجر عليه شىيحة جبنة و صوص بتاعهم و Beacon و خيار مخلل و شرايح بصل 😍
و جربنا ( Cheesy Mushrooms ) قصيدة في حب الماشروم و صوص الرانش يا جماعة 😅 و معاهم بصل علي البرجر 💙
كان في ( Cheese Burger ) حبايبنا اللي بيعشقو ال OldSchool هيعجبهم جدا ده خصوصا انه مفهوش غير البرجر و الجبنة الامريكي و شرايح بصل و خيار مخلل 😘
الفراخ بقي ( Chick ‘n Chick ) الفرايد تشكن ده عشق عند ناس كتير كده كده خصوصا لو معمول كويس زي ما بيعملوه ده Classic شوية صدور فراخ عليها صوص رانش و خس 😍
عنده ساندوتشات تانية غير دول في المنيو كل واحد فيهم مميز بحاجة تخليه مختلف تماما عن اللي قبله زي مثلا ( Bloody Hell ) ده في صوص هالبينو و سويت شيلي 😋 وفي ( Grand PA ) ده عليه Mozzarella Sticks و جبنة شيدر و صوص BBQ و البرجر نفسه انجوس 😍
عاملين عروض للشلة 💙 زي Happiness Share Meal دي ٤ ساندوتشات و معاهم فرايز و لتر كولا ب ٢٥٠ جنيه
و في عرض للاسعار المناسبة زي Mix Bites ده ساندوتشين واحد بيف و واحد تشكن little Bite معاهم فرايز و كولا ب ٥٥ جنيه
و في عرض Super Duper ده حلو اوي لاتنين اكيلة ذوي الكروش الحديدية 😋 في ٤ ساندوتشات 2 Little Bite و 2 تانيين عاديين yummy burger و التاني Chick ‘n Chick معاهم فرايز و لتر كولا ب ١٥٠ جنيه بس
هم كده كده عموما اسعارهم مناسبة من غير عروض 😍
لتفاصيل تجربتنا اكتر خدو لفة في الصور

الفروع :
لوران : ٧ شارع ابراهيم نصير الموازي لشارع شعراوي
سموحة : ١١ شارع ادمون فيرمون امام نادي مبارك وبجوار عصير مكة
رشدي : شارع المعسكر الروماني امام فندق تيوليب بجوار KFC & Pizza hut
سان ستيفانو: سان ستيفانو مول بداخل الفوود كورت
شارع فؤاد: L Passage
المنصوره : اشارة جيهان امام صيدليه الطرشوبي , المشاية العلويه
طنطا: دوران سعيد
الساحل: مارينا ٤، جنب KFC و Princess


الدليفري في الاسكندرية متاح من خلال تطبيق طياري و جلوفو و أطلب.

وسم : /

اترك تعليقاً

لن يتم نشر عنوان بريدك الإلكتروني.