ZomaCuisine فطار على المياه فى مكان شيك فى المعادى وب ٤٩ جنية الترويقة اللبناني على اصولها حتى الفطار في لبنان اسمه ترويقة .. انت متخيل الدلع!! مطعم زوما عامل عرض على الفطار ب 49 جنيه، و في أكتر من اختيار، كل واحد فينا جرب حاجة مختلفة على مزاجه… بس في البداية كلنا نزلنا الترحيب الخاص بالمطعم welcome عبارة عن لقم عيش ميني مع زعتر بزيت الزيتون و زيتون مقطقط صغير ندخل بقى عالفطار اول فطار (مناقيش) بيبقوا 5 انواع مختلفين، جبنة عكاوي، زعتر، جبنة ميكس، سجق لبناني و أخر واحدة لبنة بالعسل و بيتقدم معاهم عصير ليمون “الليمون أبو 100جنيه بس عندهم مع الوجبة عادى ” ? فطار خفيف و متنوع و تحس فيه بجمال الاكل اللبناني الفطار التاني .. فطار الاكيلة فول و طعمية بس الفول تحس انه متنقي فولاية فولاية، الطعمية بقى اللي حدوتة تانية خالص عاملينها بالحمص و الحمص خشن سنة و طعمه واضح و مختلفة جدا عن الطعمية الخضرا بتاعتنا، مع جبنة بيضا و اومليت، بيتقدم معاه براد شاي .. تفضل تمزمز فيه بمزاج قصاد النافورة او في التراس تالت فطار .. الامريكاني دا عبارة عن اومليت و هوت دوج بالفلفل، و بطاطس “هاش براون” معمولة بطريقة معينة بتبقى مبشورة و مقلية و فعلا مقرمشة و قلبها طري و لذيذ جدا و بتقدم معاها عيش توست و زبدة و عسل و عصير برتقال، و دا اكتر فطار حسيت انه مختلف من الحاجات اللي ارشحهالكم بقوة فطيرة اللبنة بالعسل .. بس دي مستحيل تقدر تخلصها لوحدك هتحتاج معاك 2 كمان على الاقل بس هتعجبكم جدا من احلى المميزات في زوما إن المكان نفسه شيك جدا و تحس انك في مصيف خصوصا القعدة اللي عند النافورة مع صوت المياة هيغيروا مودك جدا و تحس بانتعاش و رحرحة نفسية ** المكان دة زورناه فى رمضان وكانت تجربة ممتازة الاسعار بيتضاف عليها الخدمة 10% الضريبة 14%

العنوان: زهراء المعادي، Hub 50 mall شارع الخمسين، طريق الاوتوستراد، بجوار بنزينة وطنية

أرقامهم01275751013