“حواوشي زوبا” الاختراع ده يستحقوا عليه وسام والله ? Zooba انا ماكنتش مقتنعة بيه وعمري ماطلبته ولا فكرت لحد اما حد جابه ودوقت منه واتوهمت بالميكس اللي كان لا يمكن اتخيل انه هيركب على بعضه بالجمال ده وتاني يوم على طول طلبت منه تاني حواوشي لحمة نضيفة ومش مدهننة عليها جرجير وطماطم مشوية وطحينة بالبنجر والكركديه وبصل… خيالي طعمهم مع اللحمة فى العيش بتاع الحواوشي… والرغيف صغير بس مليان تحس انك اكلت حواوشي ومش تقلان ولا حاسس بالذنب كدة عشان فيه حاجات هيلثي ? ? من حلاوته خصصتله بطة “حواوشي زوبا” الفوشيا ? هو بس فى حاجتين عايزين يتظبطوا… الخلطة عايزة تتوزع احسن وجوة اكتر عشان ماتغرقهوش من برة الرغيف والورقة والرغيف محتاج يتحمص ويتقرمش اكتر من كدة عشان كان اقرب لساندويتش بلدي من حواوشي متحمص … بس مازال رائع جبنا كمان واحد جبنة رومي محمص بمعجون الزيتون وده حلاوته مش محتاجة تتوصف … ده بروح اطلبه كتير لوحده مخصوص فى انواع حواوشي تانية وكل اللي جربته حلو حتى السادة خالص… هو حجمه صغير يعني لو جعان اوي واحد مش هيكفيك ممكن اتنين ..الواحد ب٣٥ تقريبا ممكن يبقى غالي شوية عالحجم بس النضافة تستاهل الفرق

شارع 9 – المعادي
شارع التسعين القاهرة الجديدة داون تاون مول
محور 26 يوليو الزمالك
شارع 13 بغداد الكوربه
مول سيتى ستارز الدور الرابع
الشيخ زايد, السادس من اكتوبر, الجيزة داخل كابيتال بيزنس بارك – الدور الارضى

16082