لما تيجوا تفكروا هتاكلوا ايه ؟؟ يقوم واحد صاحبك يقولك انا عاوز أكله ترم العظم .. يبقى المطعم ده علشانكم ? و اكتوبر هي سكتكم ?
زيارتنا لـ Abu Khaled Restaurant-أبو خالد
في الغالب صعب تلاقي محل مشويات بيقدم أكل بيتي ( مخدوم اوي ) جمب المشويات .. دايما تلاقيها سد خانه لكن مطعم – ابو خالد – كسّر القاعده دي لانه بيهتم بصباع المحشي بنفس اهتمامه بصباع الكفته حرفيا ? كوكب المشويات والاكل الشرقي و الحرش في 6 أكتوبر – المطعم ده هدفه الاساسي انه يقدملك الاكل بـ الطعم البيتي وبكده يبقى حل المعادله الصعبه اكل بيتي وخروجه حلوه ?
نبدأ بـ المشويات جربنا الكفته والطرب هناك 100% ضاني ياعني لا متضاف عليها حاجه و لا مخلوطه باي لحمه تانيه وبيبان في الطعم جدااا وبالنسبه للكباب طعم التتبيله واضح فيه جداا – وكمان الحواوشي لحم ضاني 100% ومشوي ع الفحم ومقرمش سيكا بسيطه كده بيخليك تروح لدنيا تانيه ?
حاجتين عاوزين بوست لوحدهم ( الموزه الضاني و السجق ) حقيقي عاوزين بوست لوحدهم علشان نقدر نديهم حقهم بس فعلا ماينفعش تروح هناك ومتطلبهمش و الموزه بتتقدم مع كذا حاجه ( طاجن أو فته بالخلطه أو رز بالكبده أو رز ابيض )
التركايه بقى الي عند – ابو خالد – هي الاكل الشرقي .. حقيقي وانت هناك مبتبقاش عارف انت ازاي في محل مشويات و الاكل الشرقي بيطلعلك بالجوده والطعم البيتي كده – طلبنا محاشي و ممبار و كبيبيه و سمبوسك و عليهم بطايه حلوه كده لزوم النقنقه وحمام ?? فـ لو انت بتدور بجد ع اكل بيتي يرم العظم لازم الوليمه الشرقي ده تكون قدامكم .. البط شكله بيتكلم عن طعمه ?
الطواجن الاكل كان كتير ولكن اللمه بتأكل وقولنا ندوق بس ? فجبنا طاجن عكاوي و شوربه كوارع تجنن وصورتها تحكي عنها و طاجن باميه وبطاطس

فروع واقام
مركز هنيدة بجوار جامعه 6 اكتوبر ميدان جامع الحصري
ت: 01094848483 – 01141336201
فرع الحي الخامس جولدن مول ميدان فودافون
ت: 01018166690 – 01152944888