النفسية محتاجة ان الواحد يقعد عالبحر في الجو الجميل دا يسمع صوت الموج و يشم ريحة اليود ويشم ريحة الفرايد تشيكن بردو ??
تتفرج على لون السما و انت بتقرنش Fried chicken
تخيلت؟؟ بجد فكرة انك تقعد تاكل الاكلة اللي بتحبها في مكان زي دا بالدنيا كلها
طيب بص بقى انت هتعمل ايه .. هتاخد يوم اجازة و تظبط مع 3 صحابك و حددوا يوم قريب تطلعوا فيه سوا على اسكندرية صد رد .. تروحوا بعربية حد فيكم، تاخدوا ميكروباص، تركبوا قطر او طيارة حتى .. المهم اوعى حد فيكم يقول نبقى نظبط يوم عشان لو اعتمدتوا على الكلمة دي مش هتتقابلوا ابدا (دي ظاهرة عامة) مش انت و صحابك بس اللي كدة
طب القصة دي هتكلفك اد ايه؟ بص يا سيدي
المطعم دا عامل وجبة كدة عبارة عن بوكس في 4 ساندوتشات فرايد تشكين + بطاطس كيرلي و 4 صوصات + شيدر هالوبينو ستيكس + تشكين بوب كورن + لتر كولا .. الحفلة دي كلها ب 250 جنيه و الوجبة دى بس مفيش زيادة عليهم ولا خدمة ولا ضريبة ( بس لو بتطلب من المنيو اى حاجة تانية بيضاف عليها ضريبة ) .. يعني كل واحدة هيدفع 62.5 جنيه بالظبط
قول بالقطر رايح جي يعني الخروجة دي هتعملها من 100 جنيه ل 150 جنيه بس شوف بقى انت قاعد بتاكل فين .. قصاد البحر في مكان شيك و من ارقى الاماكن في اسكندرية
في كمان عندهم وجبات Fried chicken طلبنا منهم وجبة حلوة اوي فيها 9 قطع فراخ مقلية و 12 ستربس و بطاطس عائلية + كول سلو كبير + 8 عيش كايزر و لتر كولا بـ 329 جنيه .. ميزة الوجبة دي ان فيها تقريبا كل حاجة
و على فكرة المنيو فيها وجبات بتبدأ من 39 جنيه و عندك كمان الريزو ب 17 جنيه، الماك اند تشيز ب 39 جنيه .. يعني لو عايز حاجة في الحنين بردو هتعرف تدلع نفسك عالاخر بس انت خد قرار انك تدلع نفسك و هتنبسط
نتكلم بقى عن الاكل شوية، الفراخ نضيفة جدا جدا يعني حاجة يتضرب بيها المثل بصراحة، التتبيلة داخلة في قلب الفراخ، طعم الBreading تحفة و مش شاربة زيت، الساندوتشات كمان حلوة واي، خصوصا ان العيش كان طازة و قعدنا جربنا الصوصات اللي بتنزل في البوكس دي مع الساندوتشات فكل قطمة كانت بطعم غير التاني
كل اللي بتعمله انك بتروح تقرا الرقم المكتوب على ترابيزتك و تقوم تطلب الاوردر و تقولهم رقم الترابيزة كام .. اول ما الاوردر يجهز هيجيلك لحد عندك، تقدر تقعد في اي مكان يعجبك، حبيت تقعد فوق او تحت اي مكان تقعد فيه هتنبسط اخر انبساط

العنوان اسكندرية، – جليم باى فى الاخر خالص

رقمهم01118885238