منيو مطعم علي كريب

Ali Crepe
5 كريبات عملاقة محشية على أخرها ولتر بيبسى والاوحد فيكم مش هيتكلف ألا 30 جنية …
أنتم هتجمعوا نفسكم وتطلعوا على الرحاب فى السوق الشرقى الجديد.. أساسا التمشية فى الرحاب نفسها حاجة مريحة وحلوة اوى ..
وبما أننا فى أخر الشهر فبندور طبعا ع الخروجة اللى على أد الايد .. المكان ده من جديد فى القاهرة بس موجود من 2011 فى دمياط .. ولما قرر أنه يكبر ويتوسع جالنا هنا بقى ( على فكرة هو المسيطر فى رأس البر ودمياط وفى الصيف متعرفش تقف عنده أساسا )
المهم بقى هما دلوقتى عاملين ال5 كريبات ب 150 جنية ومعاهم لتر بيبسى طيب الكريبات دى أيه ؟؟
1 كريب السلطان ( ودة برجر + كفته + سوسيس )
1 كريب الجحيم ( بانية + شيش طاووك + أستربس حار + بانية حار )
1 كرسبى حار
2 كريب جبنة ( وعلى فكرة متستهونش بالجبنة دة لانه محشى أنواع جبنة كتير اوى ) يعنى هيشبعك متقلقش وعموما الجبنة دة لو معاكم بنات أديهالهم هيحبوة ويشبعوا منه 😊
المهم بقى فى عجينة الكريب أنها مميزة سميكة وطعمها غنى والاحلى أنه مبينشفهاش بتبقى طري والمكونات اللى فيها بتطريها أكتر
و كمان حاجة الكريباية كبيرة اوى فعلا مسكتها صعبة من كتر الحشو اللى جواها ومتقلقوش أحنا رحنا أكتر من مرة نفس الحشو هو هو اللى فى الصور
المكان بسيط أوى واهم حاجة السرعه وجودة الحاجات ممتازة اوى

العنوان : الرحاب ٢ – السوق الشرقى بجوار الفود كورت محل G2 .

التليفون : 01554435544

وسم :

اترك تعليقاً

لن يتم نشر عنوان بريدك الإلكتروني.