المكان: بهيه Bahia
دخلنا المكان واسع و الديكور بتاعه شيك و حلو و اغاني نجاة و فيروز و الناس الحلوة شغاله حاجة كده آخر روقان و ال staff لطيف و زوق جدا و المعامله راقيه جدا اما الأكل فالفكرة ان الناس دي من الفيوم و ما أدراك و طيور و اكل الفيوم الفراخ و البط و الحمام و اللحوم كله بلدي و أسعارهم كويسة جدا علشان تاكل اكلة معتبره?
بدأنا بشوربة الحمام و شوربة الكوارع و صنية رقاق باللحمه المفرومة و طبق مقبلات و ده بيبقى محاشي و ممبار و كبيبة و سمبوسة وده كان حلو جدا و نص فرخة بلدي و دي معاها رز بالشعرية و سلطة و حمام محشي و ده بينزل معاه بطاطس محمره و عيش معمول بخلطة على الفحم و سلطة …
و كمان الفتة مع موزه ضاني كانت عظيمة و في الطواجن جربنا طاجن البامية باللحمه و طاجن بطاطس باللحمه و طاجن المسقعة بالبشمل و اللحمه المفرومة و طااجن الملوخية و ودن القطة و غمس و ميكس بط و كشك و بينزل معاه ورق عنب و سلطات و ده كان حلو و الكشك طعمه كان عظيم و ورقة السجق معاها رز بالشعرية كانت حلو جدا و طبق كبده جريل …
اما الوليمة بقى دي حكاية عبارة عن نص كفتة و نص شيش و ربع كباب و ربع ممبار و رز بسمتي و ٢ سلطة خضرا و ٢ طحينه و عيش دي كانت مميزة جدا المشاوي حلو و juicy مش ناشفة و الرز حلو و مفلفل و دي بتكفي من ٤:٣ افراد ? و السلطات عندم حلوه جدا كلهم الخضرا و الثومية و الطحينه و بابا غنوج و مخلل و زبادي و كول سلو و التركيه و الويسكي كانوا حاجة عظيمة بصراحة ?

العنوان : المهندسين شارع جامعة الدول العربية بجوار فندق النبيلة

التليفون :19074