Pizza Ria
‎عشاق البيتزا ..يجمعوا هنا ‎ البيتزا الايطالى كما يجب ان تكون بتبدأ من 48 جنيه ??
‎من حبنا في البيتزا كل فترة بنجرب مكان جديد، بس المفاجأة إننا لاقينا البيتزا بتاعت التسعينات .. هي بالظبط زي ما كنا بناكلها زمان
‎في الاول لاقينا في المنيو إن البيتزا الوسط سعرها بيبدأ من 48 جنيه، و عاملين عرض إن أي 2 بيتزا لارچ ب 140 جنيه
‎طلبنا واحدة ميجا بيف “لحوم” و التانية فور تشيز “ميكس جبن” من اول ما البيتزا جت و ريحتها اصلا جوعتنا اكتر، و البيتزا ال لارچ عندهم تحس إنها لوحة ? حاجة كدة تستاهل تمنها
‎بدأت بال ميجا بيف ? من اول قطمة حسيت إن مخي عمل فلاش باك سريع و جاب البيتزا بتاعت زمااااااااان و شوية تفاصيل زي البصل المتقطع مربعات مع شرايح الزيتون الاسود و كور اللحمة المفرومة الصغيرة، و البيتزا السي فود فيها جمبري و كابوريا بكمية محترمة ?? ايوة هي دي البيتزا اللي كنا بناكلها زمان اوي و احنا صغيرين و قعدنا نفتكر اخر مرة كلنا فيها الطعم دا كان فين و امتى
‎عجينة البيتزا نفسها مميزة جدا عن اي مكان تاني، العجينة نفسها فيها اعشاب و طعمها حلو اوي و بيتقدم مع أي بيتزا كبيرة صوص، احنا اختارنا مسطردة & باربكيو (دول صوص واحد) و الصوص التاني اخترناه رانش، تاخد اطراف البيتزا و تغمسها في الصوصات دي .. متعة بقى ‎خصوصاً إن الصوصات اللي بيقدموها تقيلة و طعمها مركز شوية بس هي كدة جميلة
‎الكول سلو كمان عجبتنا جدا و كان باين من قرمشتها إنها لسة فريش ?
‎و بيقدموا كمان اختراع اسمه (رياتزوني) عبارة عن بيتزا مخبوزة على شكل ساندوتش، اسهل في الاكل و فيها نفس مكونات البيتزا، على وشها طبقة جبنة موتزريلا
‎بيقدموها بأربع حشوات ‎كوردن بلو، سي فود، بيبروني و بيف، و فراخ كرانشي مع تركي مدخن ‎ممكن تختار 3 زي بعض او مختلفين، سعر ال 3 الوسط 131 جنيه و 3 الكبار ب 200 جنيه
‎عندهم شاشات تلفزيون بيعرضوا عليها ماتشات الكورة، تقعد تتفرج و تاكل براحتك
‎* الاسعار مفيش عليها خدمة زيادة

‎تجربتنا كانت في الفرع اللي عند النادي الاهلي في مدينة نصر ‎86 شارع حسن المأمون
الاماكن : داخل فروع كوك دور في فروع مختلفه
‎وسط البلد، مصر الجديدة، فيصل، مريوطية، اكتوبر، المعادي، الرحاب، التجمع الخامس و ليهم فرع في الفيوم و بورسعيد

‎رقمهم16999