أظن مفيش روقان بعد كده فطار شرقي عظيم أوبن بوفيه علي النيل المكان بيت زمان مش عارفين نبدأ منين ؟؟ أصل انتوا شايفين الصور بس مش متخيلين إيه اللي بيحصل كوباية الشاي مع النعناع دي بييجي حد من الـ staff لابس جلابية يصبلكوا الشاي من البراد قدامكوا طيب عارفين لما تكون الشوربة كوارع و المحشي يبقا Appetizer و تيجي الشيف تقدملكوا طاجن الملوخية فاضي و تقوم جايبة الملوخية تتطشها قدامكوا و تاخدوا انتوا بقا ريحة الطشة طازه و تاخدوا العيش اللي بيتعمل في الفرن وراكوا ودن قطة و هجوم علي الطاجن ولا طاجن البامية باللحمة مع طبق الرز – و يكون معاهم شواية متلغمة لحمة علي كفتة علي فراخ علي كبدة و يكون مع الكلام ده فيروز أو أم كلثوم ❤❤ الناس دي مش عايشين معانا دول في حتة تانيه خالص .. الـ staff كله هناك لابس جلاليب و كل جلابية عليها سديري مكتوب عليها ده مخصص لإيه – الشيفات اللي هناك محترفين جدا و الأكل تحفه بجد يمكن أحلي من البيتي كمان *بغض النظر عن إننا بنراضي ماما و نقولها أكلك أحلي و كده و طريقة تقديم كل حاجه هناك كمان – القهوة علي السبرتاية و السبْت اللي علي الحيطة و الديكور كله بتفاصيله مع الأغاني القديمة مع القعدات الملونة اللي علي النيل #هييييييح #تحية للناسالرايقة اللي بتهتم بالمود *** في رمضان الفطار أوبن بوفيه أكل شرقي و حلو ( حلويات شرقيه و فروت سالاط و ام علي ) و drinks .. الحلو أوي انهم بيطلعوا الكميات الكبيرة للبوفيه بنفس جودة الأطباق في الـ orders العادية (الفطار بيبقا أوبن بوفيه كل يوم بيتغير لمدة سبع أيام و يتعاد تاني)

في wifi ** في أعياد ميلاد ***

فرع التجمع فيه Kids Area فرع التجمع شارع التسعين الجنوبي – التجمع الخامس – القاهرة الجديدة تليفون وواتساب ت : 01101121015 ت : 01020107790 ت : 01158527669

فرع المنيل ٥٥ شارع عبدالعزير ال سعود – المنيل – مجمع مطاعم نايل لونج تليفون وواتساب ت : 01284748447 ت : 01126393400