هاتلنا ٢ سبرتايه قهوه بعد اذنك Khan El Roman-خان الرمان مكان في شارع ٩ ، اللي اصلا مود الشارع نفسه مريح مش محتاج حاجه ، و المكان نفسه بعيد عن الزحمه و في حته كلها شجر يا تقعد بره و تستمتع بالجو يا تقعد جوه في الديكور الشيك و الالوان المبهجة و الكراسي المريحه و عشان نكمل المود المكان عامل منيو محترمه سواء اكل او شرب فيها اكل شرقي اصيل و بيتزا و مكرونات بردو ، الاختيارات كتير من اهم الحاجات اللي لازم تجربها الاختراع طاجن الحمام ، احنا شدنا الاسم و مفهمناش ده ايه سالنا قالنا ده حمام متقطع مع فريك في طاجن و واخد وش جبنه و في الفرن وفر علينا نقعد نفصص و البيتزا عندهم حلوه جدا ، جبنا بيتزا الخان علي اسم المكان عليها بيبيروني و فراخ ميكس من اللحمه و الفراخ عشان لو محتار تطلب أنهي و كميه جبنه مبتهزرش جبنا بردو طاجن مكرونه بالفراخ ، الجبنه اللي عليها تكفي بلد و الصوص الابيض حلو اوي و قوامه مظبوط وجبنا شوايه الخان بتكفي ٢ مستريح فيها شيش و كفته و سجق و ريش مشويين و ريحه الدخان و هي داخله عليك قالبه المكان وبعد ده كله لازم تحبس بسبرتايه قهوه بتنزلك و القهوه و السكر و علي جنب و تعمل قهوتك بمزاجك او براد شاي بالنعناع كده منيو المشاريب كبيره بردو و عندهم كل حاجة زي الفريش و السموزي و الshakes و عامل عرض لاصحاب المعادي ، بيتزا عليها بيتزا
العنوان : ٢٢ شارع ٩ المعادي جنب مترو ثكنات المعادي علي طول
التليفون: 01033778228