منيو » منيو مطعم كورسيني كافيه

Caffe’ Corsini Egypt
براند ايطالي فتح جديد في مصر .. أكل نضيف و قعدة شيك بنفس اللي بتدفعه في اي مكان تاني بس دا premium
طول ما انت قاعد هناك هتحس إنك في ارقى اماكن نابولى، المزيكا الهادية مع الوان الورد و الجو الشتوي الجميل دا
و دا من الاماكن القليلة اللي تلاقي كل حاجة فيها ممتازة لانهم بيعتمدوا على متخصصين في كل قسم، قهوة، مخبوزات، حلويات، ايس كريم، الاكل بأنواعه .. فعلا لو هنتكلم عن كل الحاجات اللي عجبتنا في “كورسيني” الموضوع هيحتاج كتاب
اول ما دخلت لاقيت عالباب برميلين حبوب القهوة و مكتبة بن فيها كل انواع البن اللي تتخيلها، من اول القهوة التركي ( الفنجان ب20 جنيه) لحد قهوة چاميكا “اغلى نوع قهوة في العالم” الفنجان ب 50 جنيه..
دا غير كبسولات الاسبرسو و الكنكة الايطالي التقليدية للاسبرسو، كل دا ممكن تطلب منه فنجان جاهز تشربه و انت هناك، و ممكن تشتري الكمية اللي انت عايزها
الاكل بقى قصة لوحده اول حاجة طلبتها Black stone steak بتتقدملك في صينية فيها رخامة سودة مستطيلة ((مولعة)) 🔥 و جنبها طبق فيه شريحة اللحمة Steak 🥩 فيها عروق الدهن اللي بتدي الطعم marbling و انت بنفسك بتسويها .. الاول بتدهن الرخامة زيت زيتون بفرع الزعتر او الروز ماري و مجرد ما اللحمة تلمس الرخامة تلاقي ريحتها الجميلة في المكان كله، و تظبطها بنفسك على درجة التسوية اللي بتحبها 👌 حاجة ممتعة جدا بصراحة
من الاطباق المشهورين بيها طبق اسمه “بيش الاكارتوش” الترجمة: سمك مقلي بالجمبري و صوص الروزيه 😍 طبعا حاجة في منتهى الفخامة
نصيحة مننا بقى اي حاجة فيها صوص جبنة اطلبها، احنا كنا طالبين لازانيا، قدموهالنا في طاسة فيها صوص جبنة بالكريمة عالمي
عاملين ساندوتش اسمه كورسيني تريو .. 🍖🍤🍗 الساندوتش بيبقى متقسم ل 3 انواع، سي فود، لحمة و فراخ، كل نوع في جزء لوحده و الساندوتش كله مخبوز في الفرن
بس طول ما احنا قاعدين في ريحة عاملة زي الوافل بس احلى، سألنا دي ريحة ايه؟ طلعت بسكوتة الايس كريم .. طبعا السؤال التاني .. ايه دا انتو بتعملوا كمان ايس كريم!
دخلنا قسم الآيس كريم و الحلويات، لاقينا تلاجة كبيرة كلها ايس كريم و بما انهم اللي بيعملوه بنفسهم بيستخدموا طعم الفاكهة الطبيعي و عاملين ميكسات مختلفة و حلوة اوي
بمناسبة الاختراعات في شيكولاتة عندهم قالولي انه بالاسبرسو، انا فهمت انها بطعم الاسبرسو، قالي لا .. كلها one shot و بعدين قالي طب جرب واحدة 😃 اتاري قطعة الشيكولاتة نفسها متعبية شوت سبرسو سايل، فا انت مجرد ما بتاكلها بتلاقيها فرقعت فا تبقى بتاكل شيكولاتة و بتشرب بؤ اسبرسو في نفس الوقت .. قصة بردو الموضوع مش سهل 😃
كل حاجة عندهم كدة بقى .. جودة عالية جدا، قعدة و جو جميل، ديكور المكان و طريقة التقديم شيك جدا، الشيفات محترفين و كل واحد عارف هو بيعمل ايه بالظبط في تخصصه و النتيجة ان فعلا كل حاجة ممتازة و دي حاجة نادرة جدا، و عشان كدة بنرشحلكم المكان دا بقوة 👌

العنوان: كورت يارد، الشيخ زايد

رقمهم:01005553336

افتح منيو المنيو منيو مطعم كورسيني كافيه | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply