المعركه الازليه بين البرجر و الباستا ??
Rino’s Kitchen
محل جديد لسه فاتح متخصص في البرجر و الباستا ميزته ان الاكل عنده simple اوي مفهوش لعب كتير بس كل مكوناته فعلا نضيفه و فريش و مهتم بال quality و باين ده اوي في الطعم , المكان open air و موقعه حلو في حته ضله و فيها تيار هوا حتي الصبح ما بالك بليل بيبقي ازاى
بدانا بالبرجر جبنا شيكاجو برجر بيبقي عليه جبنه سويسري و onion rings ?? و جبنا triple cheese ده بينزل متغطي بميكس جبن هما عاملينه ?? ، كميه الجبنه مضبوطه مش قليله اوي و مش كتيره تغطي طعم البرجر و طعم البرجر كلاسيكي اوي لحمه بملح و فلفل بس و طعمه باين في الساندوتش مش متغطي بصوصات
الباستا جبنا smoked , بتبقي وايت صوص و فيها هوت دوج و بيكون و و سلامي و تركي مدخن و من فوق موتزريلا ?? كميه اللحوم كتيره كل شوكه تقريبا لازم يطلع حاجه من دول فيها ?? و جبنا chicks دي بالفراخ بتختارها وايت أو ريد صوص ، احنا جبناها وايت ، طعم الصوص كريمي جدا و القوام بتاعها تقيل و مظبوط ??
ركن البطاطس عندهم متدلع اوي ?? جبنا بطاطس هوت دوج بيبقي عليها كاتشب و مايونيز و صوص جبنه و جبنا بطاطس بالسجق عليها صوص جبنه و مسطرده و مايونيز ??
عنده ركن wraps حلو اوي بردو جبنا منه zinger ده فراخ مقليه و عليها جبنه و تركي و خيار مخلل و صوصات ?? و جبنا tex mex ده فراخ مشويه و خضار و صوص مكسيكي الفراخ في الاتنين تتبيلتها حلوه و باينه و tender جدا
عندهم ركن toast ده ركن حلو اوي ?? عباره عن اي cold cut و جبنه و بيدخل في المكنه يطلع مقرمش اوي و الجبنه سايحه من جوه ?? و سعره اقتصادي جدا 20 جنيه

العنوان: 5أ عمارات الشرق للتأمين – أمام الحديقة الدولية – مدينة نصر.

التليفون: 01017738127 – 01066069792