Capilo
لو لسه متفقتوش هتفطروا فين وفي حد مبوظلكم الاتفاق
يبقي المكان ده هو الحل
فطار في مكان راقي في مصر الجديدة
والاحلي انه علي قد الايد لان الوجبات الكامله المتكامله بتبدأ من ١٥٠ جنيه
يعني هتقعد تفطر في مكان شيك وكمان مش هتدفع كتير
خلينا نقول الأول ان المكان الصبح في النور حاجه وبعد المغرب لما النور والفوانيس تشتغل بيبقي حاجه تانيه خالص
الفطار عندهم مميز الاصناف بس بتاخد وجبه تكفيك وكمان بينزل معاها كل حاجه جمبها
يعني مثلا اللي ب١٥٠ جنيه بينزلك طاجن بطاطس باللحمه ومعاها رز وسلطه خضراء و٤ سمبوسك لحمه و جبنه وعيش ومشروب رمضاني اللي هو يدوبك تقدر تخلص الليله دي كلها
وجبه الميكس جريل كمان حلوه اوي والطبق بتاعها فيه اكتر من صنف زي الكفته والشيش و ممبار الكباب وجبه حلوه جدا علي سعرها ( المنيو مع الصور )
وفي وجبه نص فرخة 🍗🍗معاها كل حاجه بردو
واللي مش حابب الوجبات الكامله ممكن يشكل من المنيو اللي هو عاوزه لانهم عاملين منيو محترمه
تجربه حلوه وهتعجبكم اكيد ومتنسوش تجربوا ميلك شيك بوجي وطمطم الله هو ميلك شيك كنافه وبسبوسه😁 بس حاجه عظمه اوي
يُضاف ١٢٪؜ خدمة و ١٤٪؜ ضريبة
رقمهم
01009955553
العنوان
٨٢ شارع الثورة بجوار مكتبة سمير و علي، و أمام بنك QNB