fbpx

سحور فى خيمة وسط الجبال محمية وادي دجلة المعادي

سحور فى خيمة وسط الجبال وفين ؟؟ فى القاهرة
كتير منكم اكيد راح محمية وادى دجلة فى المعادى بس الاكيد ان قليل اوى اللى راحها بليل
دى نقدر نقول رحلة السحور في الصحراء
مغامرة مش هتنساها طول حياتك و هتفضل فاكرها بكل تفاصيلها طول حياتك
انت بتروح بعربيتك عادي لحد بوابة محمية وادي دجلة و تركن هناك
و من هنا تبدأ الرحلة
بتركب عربية تبعهم مجهزة و تدخل في قلب الصحراء ..لحد ما توصل لخيمة ((جبل – Jabal)) وممكن تدخل بعربيتك لو حابب
بجد عمري ما كنت اتخيل إن في حاجة بالجمال دا .. انت هتفضل متفاجئ شوية بسحر الطبيعة
المكان كله خيم و كل خيمة قصادها قعدة بدوي و في هاموك Hammock
اللي هو السرير بتاع السفاري اللي عامل زي المرجيحة مع إضاءة هادية، و في النص مولعين نار 🔥و عازف قانون 🎶 و مطرب
فعلا هتفصل تماما عن العالم كله، بعيد عن اي دوشة او اصوات او أضواء مزعجة، بالعكس إنت كل ما تقعد هتلاقي عينك خدت على الاضاءة الخفيفة و شايف كل حاجة بوضوح
لو بتعرف تلعب جيتار او عود ممكن تاخده معاك وتعزف و تغني مع أصحابك في الجو دا، أو تلعب طاولة “موجودة هناك”
أحلى حاجة إن الناس هناك ناس منظمين وذوق جدا، و عاملين حساب كل حاجة تتخيلها
و على فكرة في خيمة مخصوص معمولة WC
الرحلة بالسحور للفرد هتكلفك ١٥٠ جنيه
فول، بيض، جبنة بطاطس مهروسة او محمرة، زبادي، عيش ، مياة
الفطار ب ٢٥٠ جنيه
لو هتفعد من الفطار للسحور هتدفع ٣٥٠ جنيه بدل ٤٠٠
قبل ما تروح لازم تبقى عارف إن تقريبا كل الشبكات مش في أحسن حالاتها هناك .. انت في الصحراء
اوعدك بيوم يفضل محفور في ذاكرتك طول حياتك
رقم الحجز
01550844833
العنوان
محمية وادي دجلة، زهراء المعادي

⬅️ مواقع هامة .. ننصحك بمتابعتها 👍

🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
✈️ اماكن وخروجات حوزو7ozo.com➡️
وسم :

اترك تعليقاً

لن يتم نشر عنوان بريدك الإلكتروني.