الناس دى هتفطرك فطار عظيم و كمان هيوزعوا كل يوم هدايا بعد الفطار المكان: Caravan من أكتر الأماكن المبهجة فى الدقى و من الأماكن اللى من أول ما تدخلها تحس انك مبسوط و عايز تفضل قاعد فيها مدخل المكان ديكوره حلو قوى و كل مرة نتصور عنده و المكان من جوا مليان ألوان حلوة قوى و كلها متناسقة و مريحة للعين ♥️ الناس دى بتحقق أحلامنا فى رمضان و عاملين حاجات حلوة قوى هتخلينا نقضى رمضان بشكل مختلف من غير ما نحس بالصيام ♥️ مبدئياً فى يومين فى الاسبوع هيجى حد يعزف عود و هيبقى فى STANDUP COMEDY كل خميس من كل اسبوع و كمان هيعملوا كاريوكى يومين كل اسبوع و عاملين شاشة كبيرة هتعرض مسلسلات و برامج رمضان اللى بنحبها و متعودين عليها ساعة الفطار و على ما الفطار ينزل ممكن تاخدوا اى لعبة تحبوها فى المكان زى MONOPOLY و كوتشينة و شطرنج و تسلو نفسكو لحد الفطار بعد كل ده بقى لما بتخلصو أكل عاملين Happy Hour و دى بيختاروا فيها رقم الترابيزة بشكل عشوائى و الWaiter بيجيلكم يديلكو ورقتكم و ممكن تكسبوا خصم حلو أو الDessert ببلاش المنيو حلوة قوى و عاملين أطباق تحفة و كمياتها كبيرة و فيها تنوع و فى نفس الوقت أسعارها تحفة و وصفنالكم الوجبات فى الصور ♥️ من المميزات اللى موجودة فى المكان ده انهم عامليم Rooms للعزومات و بتبقو بكل خصوصيتكم و ممكن تستغلوا الRooms دى لحفلات الDish Party و عندهم Room مبهجة قوى مخصصة لأعياد الميلاد و بيبقو مزينينها و مليانة بلالين *يفضل تحجزوا من قبلها عشان ممكن متلاقوش كرسى فاضى أو على الأقل تكونوا موجودين فى المكان من الساعة ٤ العصر

العنوان: ١٢ شارع هارون – الدقى

التليفون : 01023176873‬