وانت ماشي في شارع 9 في المعادي هتلاقي ممر كده فيه ديكورات واشكال بالخشب و بعده هتلاقي قعدات رايقه كلها خشب في خشب تحت الأشجار و الارضيه نفسها كلها نجيلة و اغاني مبهجة شغالة في المكان و مود حلو اوي ,, انت كده وصلت The Backyard من احلى الاماكن في المعادي و موده زي و صفنالكم كده بالظبط ☝ والاكل بقى بيكمل القاعدة الرايقة و المود العالي ده و غير ان طريقه التقديم و الاطباق ظريفة جدا هما عندهم تنوع كبير في المنيو من ال Burgers الي لحمتها بتتبل بالملح و الفلفل فقط و ال Hotdogs و مبدعين اوي بقه في ال fried chicken و بيعملوها مقرمشة قرمشة مش عادية حاجه كده super crunchy و بنفس القرمشة دي لاقيناهم بيعملوا سمك فليه كمان بنفس الجمال الناس دي بتعشق الجبنة وبيعملوها حلوة و بمزاج و تقريبا كل الاطباق بينزل معاها chees cup تحفة و ممكن تزودها بقه و يجيلك Jar جبنة تلغوص بيه براحتك زي ما احنا عملنا في البرجر كده ال Dessert بقه يا نهار ابيض ع الجمال ❤ احنا كلنا مولتن كيك مشوفنهاش بالجمال ده في اي مكان تاني بتجيلك سخنه و قلبها شوكلاته سايحه و عليها الايس كريم اول ما تجربها طعمها هيخطف قلبك حرفيا و في اختراع كده عباره عن قنبله شوكلاته بجيلك كوره كده و يتصب عليها شوكلاته سخنه فتروح مفرقعه و تلاقي جواها ايس كريم و حاجه تحفه كده وفي طبق عبقري بالمارشميلو و البسكوت ملوش حل و حاجات تانيه كتير جربناها و وصفنالكم الي جربناه مع الصور

العنوان: المعادي 62 شارع 9 قريب من محطة ثكنات المعادي

التليفون : 01280216731