fbpx

منيو شوكوميلت

تم افتتاح المكان اللي غير معايير الشوكولاته في مصر
المكان : Chocomelt Egypt
المكان ده من ساعة ما فتح من يومين و هما عاملين قلبان في اسكندرية كلها بسبب الحاجات اللي اول مرة في مصر تبقي موجودة عندهم .. هتلاقي هناك كل حاجة عندهم بتترجم لشوكولاتة لدرجة انك هتحس انه مصنع شوكولاته مش مجرد كافيه و خلاص
اول ما تدخل هيستقبلوك بشلال الشوكولاته العالمي اللي ممكن تغرق فيه المارشميلو او اي حاجة تانيه انت عايزها و من غير ما تدفع اي حاجة .. مجرد شكل الشوكولاته بس و هي نازلة في الشلال كفيل انه يغير مودك ١٨٠ درجة و هما يعتبروا اول ناس في مصر عملوا شلال الشوكولاته 😍
هتلاقي كمان معروض عندهم انواع هدايا كتير مختلفة تقدر تقدمها لصحابك و حبايبك او تاخدها في اي زيارة و هتبقي هدية جديدة و شيك و مش غالية خالص من الحاجات دي في ال Chocolate Sheets و دي بتبقي شيت شوكولاته كبير بالنوع اللي تحبه في باللوز و في بالفروالة و بتتقدم في بوكس كده معاها الشاكوش الخشب بتاعها عشان تعرف تكسر الشوكولاته و تاكل براحتك و هتلاقوها موجودة في الصور تحت 😎🔨
و في معالق ال Hot Chocolate اللي بتسبها في اللبن شوية تطلعلك احلي هوت شوكليت 🥛 و في اختراعات من دي كتير هتلاقوها هناك برده
و طبعا من اكتر الحاجات المميزة هناك و هتشوفها اول ما تدخل نافورة الشوكولاته اللي بتخطف قلوب كل الكروش و في منها ال Dark و ال white Chocolate
نيجي بقي للقاعدة الحلوة اللي فوق اللي هتطلب فيها اي حاجة سخنة هتجيلك مظبوطة جدا و هتظبطلك مزاجك تمام ☕️ و لما تروح هناك لازم تجرب البانكيك الوهمي بتاعهم اللي بيبقي كذا طبقة بانكيك و معاه موز و فراولة و بيتغرقوا قدامك ب ٣ انواع شوكولاته مختلفة دارك و شوكولاتة عادية و وايت شوكولايت و كانت فعلا من احلي الحاجات اللي واحد جربها 🥞
و عندهم كمان وافلز ستيك بالفستق طعمها اكثر من رائع و في كريب بالنوتيلا و الايسكريم حلو جدا برده لازم تجربوه 🍨
بصراحة المكان نضيف و حاجته كلها حلوة و فاتح ببهجة و موود حلو جدا و الناس هناك مركزيين في انهم يقدموا حاجات جديدة فعلا لكل الكروش و مش موجودة في اي حتة تانية غير عندهم و ده اللي مميزهم عن اي حد تاني .. مستنيين كل الكروش تروح و تقولولنا جربتوا اختراعات ايه من هناك

عنوان شوكوميلت
٨شارع محمد بهاء الدين الغتوري-سموحة-الاسكندرية

رقم تليفون دليفري شوكوميلت
01205868888

صور و منيو شوكوميلت

وسم :

اترك تعليقاً

لن يتم نشر عنوان بريدك الإلكتروني.