رقم مطعم فطوطة

مش هنعرف نتسحر برة يبقاا نطلب دليڤري فطوطة Fatouta ياجماعة
عاملين بوكسات سحور فخيمة و جرين برجر و بطاطس برجر وحاجه دلع
و الديلفري مأمن نفسه لابس الكمامه و ماسك و كل حاجه ,, فطوطة اسطورة السحور في مصر قرر يشتغل ديلفري السنادي و عامل شغل عالي اوي
الباكينج حاجه نضيفه بصراحه عاملين بوكسات شيك جدا و العلب نفسها ينفع تدخل المايكرويف فانت ممكن تسخن اي حاجه براحتك العيش بلدي مليان كده و الساندويتشات عظمه عليهم شويه فول تاكلهم حاف بصباعك من جمالهم جربناه معصفر و اسكندراني جميل جدا
الطعمية بيعملوها سوبر سمسم ومخدومه اوي و القرص عملاق بيحشوها بسطرمه او جبنه كيري و طورها شويتين بقه و نزلوا الابديت بتاعها الجرين برجر عباره عن الطعميه العظيمه بتاعتهم المحشية حسب اختيارك من بسطرمه و كيري و شيدر و محطوطة في عيش كايزر اجمد واحد الجرين برجر فطوطة و ده الطعمية معاها خلطه فطوطة ( هوت دوج- بسطرمة – خضار ) خطيرة بجد هتعجبكم جدا
والبطاطس كمان عملوها برجر بشكل لذيذ البطاطس بوريه واخده ببيض و بقسمات في كايزر مع خس و طماطم و كاتشب و مايونيز و بصل و اجمد حاجه برده بطاطس برجر فطوطة شيدر محشيه خلطه فطوطة الجبارة
الوجبات بقه عاملنها في بوكسات فاخرة للافراد اسمها تفويلة بوكس هتلاقوا 90 و 92 و 95 انت و التانك بتاعك بقه احنا طلبنا تفويلة بوكس 95 و دي فيها طبق فول ( فطوطة او بالسمنة او بالبسطرمة ) احنا جربنا البسطرمة حواااااااار
و طبق بيض فطوطة و طبق جبنة و باكت بطاطس و سلطة و مخلل و عيش و طاجن حلو رز بلبن او ام علي وفيه تفويلات و طلبنا معاه صوص الغرقانه صوص طعمها جامد مع البطاطس
فطوطة بوكس بوكس بقه ده في منه بوكس 4 افراد او 6 او 8 احنا طلبنا فطوطة بوكس 4 افراد فيها 4 سندوتش فول فطوطة و 4 فلافل و 4 جبنة و 2 باكت بطاطس و مخلل و 4 بيبسي
مع الكلام ده يجي دور الزبادي فخار بطعمه البيتي بتاع زمان ده
نحلي بقه نصيحه اخويه متفوتوش الرز بلبن بتاعهم خرافي بالاوريو او المارشميلو او ال M&MS رهيب و في ام علي برده في المنيو

العنوان مدينة نصر ، شارع نبيل الوقاد ، ارض الجولف ، أمام حديقة فودافون

طلباتكم من الساعة 9 مساءً على :01015898199 – 01012320811

وسم :

اترك تعليقاً

لن يتم نشر عنوان بريدك الإلكتروني.