منيو حلويات بستاشيو

منيو حلويات بستاشيو

الناس دي خدت الحلويات لحتة تانيه خالص و عاملين اول متجر الكتروني لبيع الحلويات في القاهرة
المكان : Pistachio Dessert
من رمضان الي فات و هما بيراهنوا على جودة منتجاتهم وواخدين الحلويات في مصر لليفل عالي اوي من ساعه لما نزلوا في المولات الكبيرة كلها و اي حد جرب حاجه منهم عارف كويس اوي المستوى بتاعهم الناس دي مش بتهزر و عارفين كويس اوي يعني ايه حلويات و قدروا في وقت قليل يحققوا نجاح كبير جدا
احنا جربنا حاجات كتير من عندهم و بشكل عام فيهم ميزة جميلة اوي و ملحوظه ان الحاجه سكرها مش كتير خالص بحيث تاكل و تنبسط و متشيلش هم الدايت ( الى حد ما يعني ) ? فلما قولنالهم التعليق ده كان ردهم انه اللي بيزود السكر عاما بيداري الخامات اللي بيستخدمها واحنا واثقين من جودتنا.
مبدئيا كده الكنافة بالمانجا بتاعتهم يتقال فيها شعر حاجه كده تشبع كل رغباتك الكنافية المانجية ? بيعملوها بكريمة المانجا و قطع المانجا و طعامه المانجا وحلاوه المانجا
وعليهم كنافة نوتيلا الي هي مع اول ما تدوقها تعمل اممممممممممم كده,, ايوه هي دي
اما بقه كنافة الفور سيزون مكسرات دي حوار لوحده كفاية شكلها فيها 4 انواع مكسرات كاجو و فستق و بندق و لوز بكميات محترمة و بيعملوا كنافة بالجبنة السوري وكنافة عثمانلية محشية بالقشطه البلدي و كلام كبير اوي
نروح بقه للجلاش ,,, استاذ بيه باشا جلاش عاملين بيه اختراع رهيب تورته جلاش بالفستق بيبقى جلاش محشي فستق و كريمة فستق و كريمة فراولة و مرصوص رصه فنية كده حاجه كده ليفل الوحش في الجلاش ?
و جلاش تركي طبقات محشيه فستق مخصوص بالطريقة التركي ونمورة بالكريمة طبقات جلاش المحشي كريمة بطريقه مميزة جدا و الجلاش عاما كرسبي و طعمه جميل جدا
والاجرام وصل بيهم لاختراع بسبوسه تشيز كيك فراولة انت متخيل يا مان ?
البسبوسة بيعملوها بالسمنة البلدي الاصيلة وعندهم منها الساده و بسبوسه الفورسيزون بالمكسرات هتنبسطوا هتنبسطوا يعني
عندهم احجام متنوعة من الكبيره لحد الكابات الصغيرة الي منها كنافة مانجا و كنافة بلوبيري و نوتيلا فراوله وكيت كات و لوتس بكريمة لوتس و قطعه لوتس على الوش
التوصيل للشيخ زايد والتجمع والرحاب ومدينتي والشروق والعبور والمعادي ومدينة نصر ومصر الجديدة.

وموجودين في
مول سيتي ستارز (مدينة نصر)
داندي مول (الشيخ زايد)
الرحاب افنيو مول (الرحاب)
بوينت 90 (التجمع الخامس)

0233441822

وسم : / / /

Leave a Reply

Your email address will not be published. Required fields are marked *