رقم مطعم وكافيه فيفتي برج القاهرة

Fifty Restaurant & Café
هتطلع تاكل في ((برج القاهرة)) في الدور الخمسين، النيل حواليك في كل مكان و هتتفرج على اشهر الفنادق و معالم القاهرة كلها كانك طاير في السما و مش هتدفع تذكرة دخول البرج ولا في Minimum charge 😍😍
المنظر من فوق وهمي
احلى وقت تروح تشوف فيه ال View الساعة 5 كدة هتلحق النهار هتشوف مصر كلها من فوق، المتحف المصري، الاوبرا، مبنى الإذاعة والتلفزيون في ماسبيرو، المراكب الشراعية في النيل، كل معالم القاهرة المميزة ما عدا “برج القاهرة”😁😁😁 لانك هبقى قاعد فيه 😄
و تتفرج على الوان السما و لحظة غروب الشمس 🌅 “منظر من اروع ما يكون” بالليل بقى اضواء القاهرة بيبقى شبه نجوم السما، اضاءات الفنادق و الاوبرا، نور المراكب اللي في النيل، زي المنظر اللي بتشوفه من الطيارة
الميزة إن الازاز (فاميه) زي النضارة الشمس و دا هيخليك تتفرج براحتك بالنهار من غير ما الشمس تدايقك المنيو فيها حاجات كتير زي الكوردن بلو، و الميكس جريل و ممكن كمان تطلب ستيك فيليه و باستا و عموماً جودة الاكل ممتازة و طريقة التقديم شيك و تليق بفخامة و شياكة المكان
على فكرة مش لازم تطلب حاجة غالية، يعني البيتزا اللي ممكن تجيبها من اي مكان ب 70 جنيه هتلاقيها بنفس السعر بس انت في مكان شيك جدا و قاعد بتتفرج على View مش هتلاقيه في اي مكان تاني في مصر!
مكان مميز جداً تفدر تعمل فيه Romantic dinner او تحتفل بعيد جوزاكم في ال Annaversarry او تعزم فيه خطيبتك، اي حد هيروح معاك هينبهر جدا بالقعدة و المنظر الجميل دا
***ملحوظة مهمه جدا
لو طالع المطعم مبتدفعش تذكرة البرج والمطعم له أسانسير منفصل

العنوان الزمالك، برج القاهرة، الدور الخمسين

رقمهم 0227374207

وسم :

اترك تعليقاً

لن يتم نشر عنوان بريدك الإلكتروني.