رقم مطعم جودزيلا

رحنا نشوف جودزيلا اللي عامل قلبان في مدينة نصر 😎
Godzilla
الفكرة إن المكان دا بيستهدف وحوش ساندويتشات ال Fried chicken العملاقة لأن احجام الساندويتشات عندهم عظيمة و مخدومة كويس و تتبيلتهم مختلفة و حلوه و عندهم ال burger كمان عندهم حلو و هما اللي بيعملوا تتبيلته غير مكان تاني و ال sauces بيعملوها بنفس أسعارهم كويسة جدا 😍😋
جودزيلا مطعم جديد في مدينة نصر بيعمل سندوتشات فرايد تشيكن عملاقة وجامدة جدا تشبع 😍 كمان عندهم تشيكن ستريبس تتبيلتها خطيرة وسندوتشات برجر 😍
اسعارهم معقولة جدا مقارنة بحجم وجودة الاكل وكمان كل الاسعار شاملة الضريبة ومفيش خدمة يعني مدفعناش اي حاجة عن السعر اللي فالمنيو 😅
ابتدينا تسخين بطبق تشيز فرايز واونيون رينجز لحد ما اوردر الستريبس يخلص. طلبنا وجبة ال١٢ قطعة ستريبس ومعاها كول سلو كبير وفرايز كتييير.. الوجبة كبيرة وتشبع جدا ولو انتوا ٣ وطلبتوها وجنبها سندوتشات هتظبط معاكوا جدا
في السندوتشات جربنا الجودزيلا تشيكن دوبل دا بيبقى فيه قطع صدور فراخ وصوص شيدر وشرايح ديك رومي مدخن واونيون رينجز… جربنا كمان ساندوتش الرانشي كرانشي عشان بنحب صوص الرانش 😍😍 الساندوتش ده عبارة عن صدور فراخ عليها موتزاريلا ستيكس وصوص جبنة شيدر ومايونيز وخس وخيار مخلل وصوص رانش كتير ❤️❤️
اتبسطنا اوي من ساندوتش السوبر كرانشي بقى عشان كبير وبيشبع وكله متغطي جبنة موتزاريلا سايحة 🥺

العنوان ٧ شارع الرياضة جنب جنينة مول – مدينة نصر

رقم الدليفري: 01030060068

وسم : / /

اترك تعليقاً

لن يتم نشر عنوان بريدك الإلكتروني.