رقم مطعم فينتاج فايب

Vintage Vibe
مصر فيها اماكن كتير روعة .. بس مش كل الناس عارفين الاماكن دي
هتقعد عالنيل (على طول) تتفرج على المراكب الشراعية و اليخوت و قصادك الناحية التانية نخل و زرع و النيل على يمينك و شمالك و تقعد تاكل و تستمتع بيوم جميل مع اصحابك او اسرتك
و لاول مرة في مصر نلاقي مكان بيقدم سوشي عالنيل .. و خد المفاجأة دي كمان .. اسعارهم اصلا حلوة و دلوقتي كمان في خصم 25% على منيو السوشي كلها، دا غير انهم بيقدموا منيو انترناشونال فيها اختيارات كتير تناسب كل الاذواق
بالنهار بتبقى شايف المراكب الشراعية رايحة جاية قصادك في النيل و اليخوت، و ساعة المغرب دي بقى احسن وقت تقوم تتصور فيه عالـ Platform .. اعمل حسابك و انت رايح انك تبقى لابس شيك عشان متفوتش فرصة انك تاخد صورة حلوة بالليل المكان شكله بيتغير مع الاضاءة و هتحس انك قاعد في مكان شيك في اوربا خصوصا ان ديكور المكان بسيط جدا و جماله في البساطة دي، مستخدمين الخشب و الاحجار و الزرع الاخصر و الورد الاحمر كل دا مكون شكل يوصلك للمود ال Vintage فعلا اللي هو الجو الكلاسيكي زي اللي كنا بنشوفه في الافلام الاجنبي القديمة، و هتستمتع بكل لحظة هتقضيها و مهما قعدت في المكان دا مش هتزهق
من الحاجات اللي شكلها مميز اوي الفرن الحراري و الحطب اللي حواليه، الفرن دا معمول مخصوص للبيتزا، و على فكرة دي من احسن الحاجات اللي بيقدموها و ننصحكم جدا تجربوها، كمان بيقدموا طبق مميزة جدا Signature عبارة عن فراخ بصوص الباربكيو و بتتقدم على شريحة عيش الفوكاتشا الايطالي و تحتها البصل و الخضار المشوي و بتتقدم بطريقة شيك جدا في skillet زي الفاهيتا
الميكس جريل كمان بيتقدم بطريقة مميزة جدا في طاسة و عليها عيش مخبوز، اول ما بتنزلك و تقطع العيش بيطلع بخار بريحة المشويات “اجمل لحظة” المشويات بتتقدم مع رز و خضار سوتيه متبل
الاسعار: البيتزا بتبدأ من 75 جنيه و ممكن تطلبوا ميجا بيتزا و دي ممكن تختاروا فيها اي 4 انواع ب 275 جنيه لاربع افراد، الفراخ بصوص الباربكيو ب 165 جنيه، الميكس جريل ب 185 جنيه و في اختيارات كتير في المنيو في حدود ال 90 جنيه زي الباستا و البيتزا و الساندوتش

العنوان:
كورنيش المعادي – داخل Platform– على يمينك بعد ما تنزل من السلم

رقمهم:
01100009782

وسم :

اترك تعليقاً

لن يتم نشر عنوان بريدك الإلكتروني.