رقم مطعم بيتزا سلايس

رقم مطعم بيتزا سلايس

للمزاجنجية وبس?
SLICE Pizza
مين قال ان اللى عاوز يتبسط يدفع كتير
طيب نقولك على حاجة أحنا بنعملها علطول ..
بنطلع على بورسعيد .. شوف هتتصرف ازاى وروح بالمواصلة اللى تريحك يوم من أوله كدة …
نطلع على SLICE Pizza ? ? ودى أكبر سلايس بيتزا شوفتها فى مصر حتى الان واللى ممكن تعتبرها لحاف مش حتة بيتزا والسلام ??
والقطعه بتبدأ من 15 جنية يعنى مفيش أى تكلفة خالص ..
العجينة طعمها حلو اوى وهى سخنة والمكونات بتاعتها تشبع وهتسد معاك حبة حلوين لغاية ما تقرر تاكل ايه فى الوجبة اللى بعدها
أحنا عموما خدنا البيتزا بتاعتنا وطلعنا جرى على المعدية علشان ناكلها هناك ونتصور صور حلوة وأحنا فى وسط المياة
الميزة فى المعدية أنها ببلاش ( يعنى أنت أهو متكلفتش ألا ال 15 جنية بتاعت قطعة البيتزا ) .. عدينا الناحية التانية ودخلنا نتمشى فى بورفؤاد شويه وكملنا أكلنا ورجعنا تانى ..وبصراحة قطعة البيتزا فاقت توقعاتنا بمراحل …
عندهم كمان حاجة حلوة اوى البيتزا الفاميلى ممكن تعملوا 4 أنواع مختلفة تماما ودة لو عاوزين أنكم تنوعوا وتشيروا مع بعض
كدة يبقى قدامك نأنأة السلايس ( واللى هى وجبة بمعنى الكلمة ) أو بيتزاية كبيرة كاملة وقسموها مع بعض وكمان يا سلام لو تاخدوها cheesy bites بتيجى أطرافها كلها قطع جبنة كدة حاجة خيال ودى تكفى 4 حلو اوى يقوموا بيها مستريح
خلصنا الليلة دى ورجعنا ركبنا المعدية علشان نرجع بورسعيد ونكمل جولتننا ( لسه فى حاجات كتير اوى فى الجولة هنقولكم عليها )
عموما SLICE Pizza يعتبر من أشهر الناس بتوع البيتزا فى بورسعيد وفعلا يستاهل .. وكل الانواع حلوة
بس اللى عجبتنا اوى التشيكن رانش والباربكيو كمان عظيمة اوى

العنوان: شارع 23 يوليو مجمع السلام أمام البنك الأهلى- بورسعيد

للدليفرى 01021773501 – 0663205030

وسم :

Leave a Reply

Your email address will not be published. Required fields are marked *