منيو » منيو حواوشي الربيع الأصلي

حواوشي الربيع الأصلي
من احسن اماكن الاكل فى رأيي حاليا و دايما اما بنروح بنتبسط ونتكيف و نتمزج ونعمل دماغ انا كنت بتوحم على ملوخية و رايحالها مخصوص وزي ما شفتم فى الفيديو “ملوخيتنا يا حبيبتنا حماها الله 🎶”
🦆 فى رأيي الملوخية اعظم حاجة هناك و اكتر حاجة مميزة … اصلا ريحتها وهي بتتصب قدامك تجيب انهيار… و الطعم مش طبيعي اكتر ملوخية بيتي مظبوطة عالكوكب على الرز بشعرية المفتخر بتاعهم – انا مش فاهمة فيه ايه هو رز بشعرية يبان انه عادي بس طعمه حلو حلاوة مش مفهومة ممكن يتاكل لوحده عادي
🦆 ورقة كبدة وكلاوي مالهاش زي فى اى مكان… رائعة ومظبوطة وسواها حلو ومافيش اي زفارة…
🦆 ورقة سجق بالخلطة جميل و مش مهري بنخطفه من بعض حاف و بالعيش و بالطحينة و عالملوخية و مع كل حاجة ماشي
🦆 كان فى كمان طاجن بامية انا ماليش فيها اوي بس مكانتش وحشة … اللحمة اللى فيها بس عايزة تستوي اكتر عشان تبقى طرية وبتدوب
🦆 وطبعا لازم كدة كدة الحواوشي يتطلب … فى الحواوشي العادي وفى بالسجق بيبقى زي السادة بس بيتفتح و يتحط عليه سجق بخلطة تحفة … انا بفضل السادة عن الحواوشي بالسجق عشان بحب كل حاجة لوحدها .. و فى كل
الاحوال العيش بتاعه يجنن و احب اشكر القطة الذكية اللي قالتلى ناكل الملوخية بعيش الحواوشي المحمص <3 -
طقم سلطات معتبر ببتنجانه الجميل… احلى ويسكي بلدي .. و انا قليل جداااا اما الطحينة بتعجبنى فى اى مكان و باكل منها و بخلصها الخدمة فوق الممتازة.. ناس زي العسل يحببوك فى المكان… القاعدة شعبى ستايل فى الشارع وكل حاجة نضيفة جدا و فى قاعدات جوة بس قاعدة الشارع مع الاكل ده مع ريحة الاكل وهو بيتعمل وراك على اكبر جريل فى مصر لا تقدر بثمن الاسعار هايلة عالكمية و حلاوة الاكل… و كل ما كان العدد اكبر هيبقى احلى… يعنى كنا 5 افراد كل حد دفع فى الاكل ده اقل من 100 و سايبين اكل كتير … دايما بتتراوح من 60 – 120 لو هنفتري اوي ونجيب كل حاجة – المنيو فى الصور – و طبعا الاسعار دي هايلة على ان كل اللحوم بلدي 100% بتتقطع و تتعمل قدامك
اصلا اما ناس كتير عرفوا اني هناك طلبوا اني اجيبلهم معايا ستوك حواوشي 😀 اشتغلت دليفري الربيع يومها لكذا حد
🦆🦆 المكان فى دولة #امبابة و موجود على جوجل مابس…
🦆🦆🦆 خلوا بالكم عشان اجازة اتنين و تلات

العنوان /ش 17 مدينه التحرير /امبابه متفرع من شارع الوحدة خلف فرع فودافون

01007273768

افتح منيو المنيو منيو حواوشي الربيع الأصلي | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply