المطعم هنا محتاج أكيله من العيار التقيل والتقيل أوى كمان ??.. وناس مبتدخلش مطعم زى ده “بجه مش بحه” وتسأل مثلاً على منيو ?.. وال starters هنا بجد غير ??.. هى بتكون طبق شوربه بتختار يا عجالى يا كوارع ??♂️، وكوباية ويسكى (مية سلطه) وسلاطات(طحينه وطماطم)، وعيش طازه جاى من فرن أدامهم ?.. ? بدأنا بشوربة كوارع خيالية ومعاها طبق رز بالشعرية وشوية السلطات والمخللات والويسكي العظيم
نضييييفة جدا كشوربة و كوارع.. معمولة بالحبهان و ورق اللورا والفلفل الاسود مافيهاش اي زفارة … الكوارع نضيفة وجميلة والشوربة نفسها حلوة و مش مدهننة … فى رأيي احلى واظبط شوربة كوارع جربتها
في المشكل فى نوعين
? “المشكل العادي” بيبقى لحمة محمرة تجنن لوز اللوز اكتر حاجة عجبتني.. فشة وطحال كويسين ونضاف..ممبار مالوش حل ومتحمر صح ومقرمش من برة والرز جواه حلو وخلطته ظريفة ومشطشط شوية وجميل خصوصا الرفيعين اجمل و اجمل .. وفى شوية “اكسسوارات بهائم” تانية مجهولة بالنسبالي ومعظمها كان بيلظ ماليش فيه… والمفروض بيبقى فيه كبدة مشوية بس ماشفتهاش الصراحة
? “المشكل النباتي” بيبقى اللحمة المحمرة الرائعة وممبار وكبدة بالردة كويسة بس مزيتة شوية وكفتة محمرة.. – نباتي اوي الصراحة – عموما الاطباق ممكن تظبط تشكيلتها برضه زي ماتحب او تطلب حاجة معينة طلب لوحدها…بس للاسف عمري مارحت ولقيت السجق اللى بسمع عن حلاوته من كذا حد الاكل فى المجمل كله نضيف جدا وطعمه حلو ومافيش اي زفارة ودي اهم حاجة بالنسبالي فى اى مسمط…الخدمة كويسة والاسعار حلوة جدا على حلاوة الاكل ونضافته.. الطبق الربع المشكل ايا كان نوعه بـ 55 جنيه ..وكمياتهم كبيرة جدا اللى لفت نظرى أوى بجد أنه مسمط وعنده جريل ?.. دى كانت جديده أوى بالنسبالى ومبهجه فى نفس الوقت ، هو عنده كل ملامح المسمط (بنضافه) وبيسوى وبيعمل كل حاجه وبعدين وش جريل عظيم جداً بيخلى الكلام يحلو أوى لأ والجريل تبص عليه تلاقيه محبش وسافل جداً ?? ..تانى حاجه لفتت نظرى أن لقيت فى الأكل حبهان ودى كانت حاجه منتهى السعاده لحواسى❤️.. طيب انت بتدخل بتقعد او بتستنى دقايق لو مفيش طرابيزه فاضيه ويبتدى حد يجيلك ياخد طلبات وأحلم وأتمنى ?.. الناس اللى ملهاش فى الفواكه بتاعة اللحوم بيكون المسيطر على طلبهم (الممبار والسجق والكبده والكفته) ..هو عنده كل حاجه طبعاً فشه وطحال ومخاصى وكل الالعاب .. تتبيلة أكله حلوه أوى الكفته مش زى بتاعة غيره من الناس لأ هى صوابع شويه وطعمها محترم ..الكبده المتشوحه كانت قطعيتها حلوه ورقيقه من وجهة نظرى سافله اوى??،، الممبار عجبنى والسجق الضانى حاسس انه كان محتاج يكون أنشف شويه وحتت ليه عامله طعم وشكل وريحه تجنن ?.. اللى كان بالنسبالى مفاجأه كمان “البصل المكرمل” ??♂️? ** مشكلة المكان بس ان على حد كلام ناس كتير مستواه مش ثابت للاسف يعنى ممكن مرة يبقى حاجة حلوة و حاجة لأ ..انا مرتين الكوارع وهم و اخر مرة لأ خالص بس المجمل و الاغلب كله وهمي وله قاعده بره فى الشاره كبيره جدا وليه صاله كبيره مكيفه.. والموود فى ثانيه بقى حاجه تانيه
تسلم الايادي