منيو » رقم مطعم زنكلونى

Zankaloni
من احلى الاكلات اللى معلهاش خلاف هى الفطير الشرقى
زنكلونى 😁😁 دة نقدر نقول انه براند شيك اوى اوى للفطير و الاهم انه مش غالى خالص
كنا في مصر الجديدة و اتفاجئنا بمحل جديد شكله عامل زي محلات زمان اللي كانت بطلع في الافلام الابيض و اسود و اسمه “زنكلوني” 😃 تحس انك داخل محل بقالى يونانى فى الاربيعينات
المنيو اللي المكتوبة عالحيطة كلها فطير الشرقي، و الديكور كله غربي بس ذوقه راقي جدا، و حتى الاغاني اللي مشغلينها ذوقهم حلو في اختيار اغاني مزيكتها حلوة زي اغاني الهام المدفعي ..
المهم .. قبل ما نطلب لاقيناهم عاملين عرض إن اي حد يطلب فطيرة حادقة و فطيرة حلوة هياخد معاهم Free حاجة ساقعة أو Fries
الفكرة إن المنيو حيرتني اطلب ايه و اسيب ايه؟!
بس مبدئيا كدة طلبت فطيرة “سجق مرجيز” طبعا مكنتش عارف يعني ايه مرجيز دي، بس سألت و عرفت إن دا السجق بالخلطة المغربي و الفطيرة بتتحشي شيدر احمر و جبنة موتزريلا و بتتقدم مع عودين جرجير طازة، طبعا كل المكونات دي بتاخد من طعم بعضها و هي بيستوي في الفرن و تخليك تستمتع في كل قطمة بقرمشة الفطير مع طعم الميكس دا
من احلى الحاجات اللي نرشحهلكم بقوة فطيرة المورتا و المشروم … يااااه على جمالها بجد اختراع ممتاز 👌 مش كتير اللي يعرف المورتة .. بس عموما هي حاجة خلاصة خلاصة تسييح الزبدة .. بس طعمها وهمي مع المشروم و الشيدر و الجبنة الموتزريلا
الحلو بقى قصة تانية خالص .. و كلهم أحلى من بعض بيعملوا فطيرة حلاوة بالقشطة عظيمة، عسل و طحينة، لوتس بالموز .. من الاخر مفيش حاجة فيهم نص نص كلها فطاير من الاخر
من أحلى و انضف الاماكن اللي أكلت فيها فطير في حياتي، حجم الفطيرة مناسب جدا انها تشبع فرد لانها محشية بضمير، و الاسعار مناسبة جدا لجودة الخامات اللي بيستخدموها

العنوان: 72 شارع الحرية، مصر الجديدة

في دليڤري في مصر الجديدة، رقمهم 01212111606

افتح منيو المنيو رقم مطعم زنكلونى | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply