رقم و منيو كنافة اند جريل

رقم و منيو كنافة اند جريل
Kunafa & Grill
فى ليفل تانى خالص من الكنافة موجود فى مصر
الكنافة بتتعملك مخصوص واحدة بواحدة بالطعم اللى بتحبه
تعرف كام نوع كنافة؟
الناس دي عاملين ماجستير و دكتوراه في الكنافة .. انت متخيل انك تفتح منيو تلاقي فيها ((45 نوع كنافة))
عارف لما تدخل مكان كدة و تلاقي ريحة السمنة و السكر مفحفحين في المكان .. كدة تعرف إنك وصلت للمكان الصح
احلى حاجة بقى انك تروح تطلب الكنافة و تطلع من الفرن و تقعد هناك تاكلها على طول و هي سخنة مولعة كدة شعور ممتع لاقصى درجة تتخيلها و يا سلام بقى مع براد شاي و شوية نعناع .. بس كدة خلاص مش عايز حاجة تانية
اي نوع في عالم الكنافة هتلاقيه بداية من الكنافة السادة، مكسرات، القشطة، الكريمة، كنافة بالمانجا، كنافة بالجبنة النابلسية، كنافة خشنة كنافة ناعمة،..
لحد الكنافة باللوتس و النوتيلا & سنيكرز و العجوة و كريمة الفسدق
و لسة في ليلة كبيرة اوي سعادتك لازم تقراها من المنيو بس امسك نفسك عشان كلها اغراءات
ممكن تطلب بالقطعة للفرد “الاسعار بتبدأ من ٢٥ جنيه” تقدر تطلب صينية كاملة على بعضها زي اللي بنشوفها في محل الحلواني .. دي بقى لو عندك مناسبة و تدخل بيها عالضيوف بحالها، منظرها بس كدة حاجة مبهجة جدا
دا غير إن طريقتهم في تسوية الكنافة مميزة اوي، الصينية بتتحط على شبكة و تحتها كذا شعلة و الشبكة بتلف في اتجاه عقارب الساعة
في بقى حاحة تانية خالص عندهم اسمها البيدا
دي يا عزيزي بتبقى عبارة عن فطيرة طويلة “اد دراعك مرتين” و في قلبها ميكس جبن، او لحمة مفرومة بدبس الرمان، او خضار في منها ١١ نوع، اول ما بتطلع من الفرن ريحيتها بتبقى فوق العظمة و هي و احدة كفاية اوي انها تشبعك لانها كبيرة او بمعنى اصح “طويلة جداً” حتى ليها علبة متفصلة عليها مخصوص للتيك اواي و الدليڤري عاملين كمان جزء خاص للمشويات، شاورما، مناقيش و فطاير .. الفطاير دي بقى لوحدها قصة ” حلو & حادق” الواحدة منها بتبقى من 7 ل 10 جنيه “صغننة” و ممكن بقى تعمل تشكيلة زعتر مع واحدة سبانخ او لحم عنتبلي

عنوان كنافة اند جريل
فرع المعادي – 24 شارع 231 المعادي
01050801525 – 01050801530 – 01277977525
فرع اكتوبر – قطعة b بممشي جرين بارك السياحي
01050801526 – 01277978040
فرع المقطم – 9108 شارع 9 المنطقة س المقطم
01050801527 – 01277977319
فرع الهضبة – 9380 الحي التامن الهضبة الوسطي
01050801528 – 01277977464

رقم تليفون دليفري كنافة اند جريل


صور و منيو كنافة اند جريل
وسم : / /

Leave a Reply

Your email address will not be published.