fbpx

منيو مطعم لا مؤاخذة

وانت معدي في شارع المرغني هتلاقي محل اسمه
((لا مؤاخذة )) هو المطعم اسمه كدة 😅
و الناس واقفين يطلبوا ربع لامؤاخذة .. نص لامؤاخذة 😂 الموضوع مريب شوية بس بصراحة كان عندي فضول اعرف ايه اللامؤاخذة .. طلع بيض السبيا “لا مؤاخذة” 😆😄
فكرة المطعم دا انهم متخصصين في وجبات السي فود عموماً، يعني تلاقي عندهم رز بالسي فود، شوربة سي فود و الشوربة في منها 3 درجات حسب جرعة الفسفور
“سي فود /ميكس سي فود / بطارخ بالجمبري”
طبعاً اول حاجة بدأنا بيها ال لامؤاخذة 😁
بيض السيبيا بيتشوح في زبدة و توم مع خلطة بهارات، غير إن طعمها حلو .. الاكلة دي ڤولتها عالي اوي يعني انت بتاكل و تنور في ساعتها و تحس انك خدت شحنة Power حلوة كدة 🔋
عندهم وجبة اقتصادية ب60 جنيه (Company Meal) بيبقى فيها طبق رز و جمبري بلدي و سيبيا و سمك فيليه و طحينة، و في حاجة تانية خفيفة (ب 35 جنيه) طبق رز بالجمبري و الكلماري مع خلطة توم و بصل و فلفل و بالرغم إن الطبق دا سعره في الحنين بس تحس انهم متوصيين بيه اوي 👍
في بقى وجبة اسمها “Fast” دي للمزاجنجية 😇
تقريبا فيها كل حاجة (سمك فيليه مقلي، جمبري، سي فود فاهيتا، صوابع سبيط مقلية و كفتة جمبري مع رز صيادية)
طبعاً وجبة مشبعة جدا و ميزتها إنك هتاكل كل حاجة في طلب واحد و تستمتع بأكتر من طعم من غير ما تضطر تطلب ربع كيلو مثلا من كل حاجة لوحدها
حجم الجمبري اللي بيطلع في الوجبة دي كبير 🦐 و السي فود الفاهيتا واخد شوية بهارات حلوة اوي 👌 السمك المقلي حلو بس القطع لو كانت اكبر شوية كانت هتبقى احلى .. الوحبة دي ب 130 جنيه
من الحاجات الجامدة عنهم حاجة اسمه “بوكس الكفتة” دا بيبقى رز صيادية و مرصوص حواليه 6 كفتة جمبري و كل واحدة محشية جمبرياية صحيحة، تحس ان الجمبري ضارب غطس في صباع الكفتة 😂
و بيتقدم معاها طماطم مخللة بالتوم و الكزبرة رهييييبة
عاملين قعدة لطيفة على شارع المرغني، بالرغم إن المكان شكله بسيط اوي بس عاملين اكل بصنعة، و الجميل إنك ب 30 جنيه هتاكل و تنبسط و ب 130 هتاكل و تنبسط و دي في حد ذاتها ميزة

عنوان مطعم لا مؤاخذة
شارع الميرغني،امام محطة مترو كلية البنات، مصر الجديدة

رقم تليفون دليفري مطعم لا مؤاخذة
01050090738

صور و منيو مطعم لا مؤاخذة

⬅️ مواقع هامة .. ننصحك بمتابعتها 👍

🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
✈️ اماكن وخروجات حوزو7ozo.com➡️
وسم : / /

اترك تعليقاً

لن يتم نشر عنوان بريدك الإلكتروني.