منيو مطعم رغيف عوف

المكان : Regheef Ouf😍😍
مطعم ” رغيف عوف ” عامل مفاجآة لكل عملائه 🔥🔥 .. عرض سندوتش كفتة + سندوتش فراخ زبادي + 2 باكت بطاطس صغير ب 60 بدل 75 عليه خصم 20 %
نفسك بتهفك علي انك تاكل لحمة بلدي او تاكل اكل بيتي بس من برة ، يبقي تطلع على ” رغيف عوف ” 🤩، عمرك دخلت مطعم و عجبك المنيو كله بتاعه ، من ريحته و أكلاته اللي بتفكرك بكبابجية زمان بس بشكل جديد .
المطعم بيقدم من وجبات الفراخ و اللحمة و الكفتة و السجق و شيش طاووق ده غير البطاطس و السلطات و المشاوي بالكيلو ، و لو ملكش في السندوتشات ورايح بعدد اكتر من فردين ، فيه السرفيس اللي بياخد من فردين ل 4 افراد 🥰
مش عارفين نبدأ من أيه بس الحقيقة كل حاجة عندهم حلوة من أول العيش اللي بيتخبز عندهم واللي مش هتلاقيه غير عندهم وبس وهتشوفه بعينك👍👍، الأكل بيطلع في عيش فريش وطازة وده طبعا بيفرق في الطعم ، والأكل كمان بيكون فريش يعني اما مثلا نفسك تروح لساندوتش كبدة ، الساندوتش بيتعملك مخصوص يعني تاكل وانت مطمن ومستمتع بالأكل كله ❤️
جربنا الحواوشي العالمي بتاعهم و كان متحمص و مقرمش ومكنش فيه اي دهون زي اي حواوشي غيره .
كمان دوقنا الفراخ العالمية اللي عندهم وبيعملوها ب 3 طرق و كلهم أحلي من بعض يعني هتلاقي فراخ بالجبنة الشيدر و دي جديدة على أي حد ، و نوع تاني فراخ زبادي بيبقي صدور مشوية على الفحم و التتبيلة بتاعتها جامدة .
أما الشيش طاووق بقي بيكون جميل فعلا .
ده غير الكفتة لكل الناس اللي بتحبها موجود ضاني أو كندوز .
المكان برضه بيقدم سجق بلدي و كبدة إسكندراني .
السجق عندهم مش إسكندراني و بيكون مشوي على الفحم تاكله في ساندوتش او طبق كله موجود .
وياه بقي لما نفسك تجيبك انك تطلب ريش ، الريش عندهم بتكون ساندوتشات يعني متشفية من العضم و لو بتحب اللحمة حمراء كله موجود و بيبقي طعمها وهم .
وده غير البطاطس البيتي اللي هتاكلها و فيه بطاطس شيبسي تجنن بالشطة والزعتر
جربنا حلويات جميلة زي مهلبية عليها حلاوة شعر و كراميل و بسكويت يعني زي ما اصالة بتقول و انت بجد تجنن .
ومش بس كده لو عندك حفلة او فرح او عيد ميلاد المكان جاهز لكل ده و على أعلي مستوي ” حاجة تشرف بجد ” .
تجدون المطعم فيمطاعم الجيزة

عنوان مطعم رغيف عوف
93 ب احمد عرابي امام سور نادي الترسانة

رقم تليفون دليفري مطعم رغيف عوف
0233033097-01200040938-01027789992

صور و منيو مطعم رغيف عوف

وسم :

Leave a Reply

Your email address will not be published.