منيو » منيو مطعم لازاريطة

المكان دا نقلنا اسكندرية للمعادي 😍
المكان: Lazareeta
اول ما تدخل المكان هتسمع شط اسكندرية لفيروز و تلاقي قعدة حلوة ويكور لطيف و ريحة الاكل تجري الريق لان الاكل بيتحضر قدامك fresh مش بيحضروا حاجة قبلها و المكان متخصص في الكبدة والسدق والكلاوي والقلوب و المزاليكا والحبشتكنات اللي انتو عارفينها و ما فيش حورات كتير في المنيو بتاعهم حتى المكرونة والحواوشي عملوه لما الناس عرفت انهم إسكندرانية وطلبته منهم لانهم مشهورين بيه و المنيو بتاعتهم مكتوبة بالاسكندراني اللي انتوا عرفينه يعني جني وسدق و بيجيب كل حاجة في الأكل من اسكندرية و ب quality محترمة جدا علشان الطعم ياخدك على هناك عدل 🤩
نيجي بقى للي جربناه من الساندويتشات رغيف الكبدة كان حلو جدا و رغيف قلوب و رغيف كلاوي و رغيف سدق إسكندراني و رغيف سدق مشوي كانوا تحفة سواء في الطعم او الكمية مخدوم حلو و السجق عندهم غير اي سجق كلته قبل كده في القاهرة كان حلو جدا 😋
و رغيف المزاليكا و ده كبده و قلوب و كلاوي كان عظيم و مميز جدا و البطاطس بتاعتهم مقرمشة و طريه من جوة و طعمها حلو جدا برده و كمان المكرونة بالسجق و دي كانت روعه و طعمها مميز جدا و الطحينة و طبق السلطة المشكل طماطم متبلة و بطاطس متبله و دي ايطالي و هما حاطين ال touch بتاعتهم عليها طعمها حلو جدا و جرجير 😋
و عندهم الحواوشي الاسكندراني و ده غير خالص يعني بيتعمل عجينه و جواها لحمه بتتبيله مختلفة و بيتعمل بالطلب فبتستناه شويه او بتطلبه قبل ما تروح بس بصراحه طلع يستاهل الوقت اللي استنناه كان حلو جدا و مميز و مختلف طالع سخن و ريحته روعه 🤤
و عاملين offer بمناسبة مرور سنتين على الافتتاح كل 10 ساندويتشات هينزل معاهم لتر بيبسي و طبق بطاطس كبير او طبق سلطة مشكل 😍

العنوان : شارع المستقبل متفرع من شارع الخمسين امام بنزينة وطنية-زهراء المعادي

التليفون : +201288868261 / 0227314357

افتح منيو المنيو منيو مطعم لازاريطة | منيو مطاعم توصيل الطلبات - اطلب رقم المطعم Menu Restaurant
Advertisements

Leave a Reply