منيو مطعم ذا كورنر

منيو مطعم ذا كورنر

The CoRner
المكان ده هتدخله تاكل وتشرب وتحلى كمان ب 100 جنية بس ومفيش ولا خدمة ولا ضريبة
فى أماكن كدة لما أول ما الواحد يدخلها بيحس براحة نفسية
أهو المكان ده بالظبط كدة ومنعرفش ليه بصراحة .. حتى من جمالة وهدوءة بقينا نخلص شغلنا فيه بأستمرار .. الميزة كمان فيه غير الجو العام بتاع المكان هو تنوع القعدات يعنى فى القعدات العادية بتاعت اللاونج دى والأحلى بقى القعدات العربى ( اللى أحنا بنفضلها بصراحة ? ) هو عموما مش لايقة الواحد يأكل بيتزا وتشيز كيك على قعدات عربى بس هى عجبتنا بصراحة فى كل حاجة ..
طيب الاكل بقى ودى أهم حاجة .. هما عندهم حاجة كدة عاملينها لفترة أنك بتختار ما بين أنك تاخد بيتزا أو برجر أو باستا
مع أم على أو براونيز أو تشيز كيك مع اى مشروب سوفت ( الحاجات الملونة اللى تفتح النفس دى ? ) والكلام اللى فات دة كله ب 100 جنية
تنوع الأكل ممتاز جدا بالنسبة للبيتزا فالعجينة بتاعتها ممتازة جدا وصوص المارينارا معمول عندهم بردو مش حاجة جاهزة فبصراحة كل حاجة واخده حقها اوى اوى مع المكونات اللى فوق ( والاهم بقى أننا لما سيبنا البيتزا شوية على ما عملت مكالمة تليفون وبردت كانت ممتازة من كل حاجة متحولتش لعيش فينو )
البرجر Home Made بكله ما تحملة الكلمة من معانى عامل فعلا زى برجر البيت اللى كل أم جربت تعملهولنا وأحنا صغيرين والتجربه بتاعتها نجحت ?
أما الحلو نرشحلكم فى المقام الأول أم على لأنها أولا كبيرة جدا جدا طاجن محتاج مايوه علشان تغوص وتجيب أخرها ودى ممكن تعتبروها وجبة لوحدها.. وننصحكم بقى أنكم تروحوا مرة لوحدها تجربوا المشروبات الغريبة بتاعتهم هتلاقوا هوت كوكيز دة مشروب وهوت بلو بيرى ( أول مرة نلاقى حد بيعمل التوت مشروب سخن )
تجربة رائعه جدا وهتتبسطوا بيها

العنوان : 42 شارع نجيب محفوظ، مدينة نصر القاهره، مدينه نصر (اول يمين بعد التوحيد والنور في اول شمال هتلاقي الكافيه علي اليمين في نص الشارع )

التليفون :01091931069

وسم :

Leave a Reply

Your email address will not be published. Required fields are marked *