خبر سار لأهل #مصر_الجديدة عموما و انا بالاخص Max Burgers اللى حصل انه هافف عليا من اخر مرة جبت وكنت فاتحة المنيوز وبقول اما اشوف يمكن حظى حلو ويطلع بيوصل لقيت مكتوب فرع نبيل الوقاد دخلت بصيت لقيته لسة فاتح قبلها بيوم 😀 طلع اصلا فتح فرعين الاسبوع ده.. واحد فى سيتى ستارز و التانى فى نبيل الوقاد – ده اللى روحته اول ماعرفت على طول – انا بحب ماكس برجر جدا وبعتبره احسن واحد فى Category البرجر ده.. اللى هو البرجر السريع مش الهوم ميد … و اتبسطت جدا انه فتح قريب مننا اخيرا احسن انواع عندهم فى رأيي هى الجراند ديلوكس سواء فالبرجر او التشيكن… المفضل ليا هناك الـ Grand Deluxe New York Pepper و كل اما بجرب حاجة تانية ده اللى برجعله و اطلبه كل مرة بيبقى برجر كبير ومعاه جبنة امينتال وبصل وبيبرونى وسبايسى مايونيز صوص و هالبينو.. مع ان ماليش اوي فى السبايسى بس ده بيعجبنى جدا جدا والعيش بتاعهم اللى بحبه “فريسكو بريد” اللى بيبقى معمول بعجينة بطاطس فطعمة لذيذ جدا ومختلف .. هو ساندويتش على بعضه تحفة التانى جربت الماشروم اند سويس… اما لقيته معمول فى عيش فريسكو قلت اديله فرصة… كان حلو بس التانى عجبنى اكترعشان طعم البرجر نفسه احلى بكتير فى الكبير عن الاصغر وبيبقى باين و Fluffy & Juicy والصوص كان كتير جدا فأتلغوصنا بزيادة 😀 والماشروم مكانش كتير محتاج يبقى اكتر شوية عشان يبان واحلى حاجة ان كل اكلهم خفيف مش بيحمى ولا بيكبس بعدها خالص واحد منهم كان كومبو… الفرايز بتاعتهم جميلة وطلبنا معاها اكسترا صوص “ماكس تيستي” بس للاسف مكانش فى كولا كوبايات عشان لسة فاتحين من يومين واخدتها كانز فى حاجة بس محتاجة تتظبط فى رأيي.. هما بيحطوا الاضافات كلها تحت البرجر مش فوقيه واكيد ده لسبب ما انا مش فاهماه و اما شوفت الصور الفديمة كان كدة برضه بس ماركزتش …فى رأيي لو من فوق هيبقى احسن عندهم كمان صانداى و ميلك شيك حلوين و احسن مكان بيعمل ميلك شيكس فى محلات البرجر خصوصا اللى بالكاراميل بوب كورن الخدمة هايلة و ناس مرحبة وجميلة و الاكل بييجى بسرعة جدا – 10 – 15 دقيقة بالكتير… و المكان الجديد كبير ونضيف والقاعدات مريحة الاسعار ممكن تبقى عالية شوية بس كويسة لو هتقارنه بأشباهه اللي بيقدموا نفس الاكل ده بكواليتى اقل بكتيييير …هو فى رأيي احسنهم بكل المقاييس وعاملين اوفر حلو بس عايز عدد ومافيهوش جراند ديلوكس فماطلبناش ?الفرع الجديد فى مصر الجديدة شارع نبيل الوقاد على ناصية كورتيجيانو وانت رايح من النزهة لكلية البنات

المطعم بيوصل إلى مدينة نصر , مصر الجديدة , التجمع الخامس – ارابيلا / غرب ارابيلا, التجمع الخامس – المستثمرين الشمالية و التجمع الخامس – امتداد المستثمرين الشمالية

رقم الديليفرى :19065