جربنا اجمد فطير فالعالم بدون مبالغة عندهم
شلتتة
المكان لسه فاتح جديد داخل Patio Mall فالتسعين الشمالى التجمع الخامس خلف بنزيمة Ola … قعدة المكان Indoor & Outdoor فى ڤيو فى منتهى الروقان و الجمال
كل الفطير عندهم بسمنة بلدى فعلا بطعم خرافى حقيقى مادقناش زيه فى مكان تانى كمان كل مكونات الفطير ممتازة سواء حادق او حلو
لازم تجربو عندهم طبلية شلتته و دى فطيرة مشلتته عظيمة بالسمنة البلدى مع البيض المدحرج فالزبده و الجبنة القديمة و الطحينة حاجه وهم و معاهم عسل ابيض و قشطة بلدى و عسل اسود و بينزل معاهم براد شاى ودا كان فطار ملوكى فعلا
الغدا كمان كان عندهم جربنا من الفطير الحادق ” فطيرة سجق دبس رمان ” طعمها وهمى بجد غير اى مكان تانى لازم تجربوها ” فطيرة ميكس لحوم ” .. ” فطيرة تشيكن باربيكيو فطيرة بيج تيستى ” و طبعا لازم الحواوشى الاسكندرانى بتاعهم بالجبنة و بالهنا و الشفا
جربنا من الحلو اختراعات خرافية عندهم ” فطيرة لوتس ” و دى أحلى فطيرة لوتس هتاكلوها فعلا ” فطيرة مرشيملو ” .. ” فطيرة سكلانس ” و دى فيها قشطة لادى و حلاوة و عسل ابيض حاجة فظيعة و لازم تعدو عالزلابية عندهم جربنا منها بالشيكولاتة و السكر و لوتس و عسل
تجربة جميلة اوى فعلا و مكان ناجح من البداية

عنوان مطعم شلتتة
مول باتيو شارع التسعين الشمالى التجمع الخامس

رقم تليفون دليفري مطعم شلتتة
01201277720

صور و منيو مطعم شلتتة