fbpx

رقم و منيو مطعم VIA 82 Restaurant & Terrace

VIA 82 Restaurant & Terrace
مطعم في حواري إيطاليا (فرع المعادي)
البهجة بتبدأ من الطريق للمطعم، شوارع المعادي والشجر والهدوء الجميل، وأول ما توصل بتلاقي المطعم كله تصميمه عامل زي الأماكن اللي بتيجي في الأفلام الأوروبية بتاعت زمان
طب أقولكم حاجة طبق الباستا بيبدأ من 40 جنية
المزيكا اللي بيشغلوها هتخليك تندمج أكتر في المود، أغاني Celine Dion وأغاني إيطالي، والإضاءة مع المزيكا والديكور يعيشوك تجربة إيطالية جدًا
القعدة في الoutdoor أكتر من رائعة، أنت بتبقى قاعد في تراس كله زرع و شجر و نخل صغير وشكل الطوب المستخدم في الديكور أوروبي أوي
بيقدموا منيو International ومختارين أشهر الأطباق من مختلف أنحاء العالم و بيقدموها بأسعار مناسبة جدًا
من الأطباق المميزة جدًا في VIA 82 ال Steak
قطعة ستيك ممتازة وممكن تختار الصوص اللي بيتقدم معاها (صوص فلفل، مشروم، بلو تشيز) وبيتقدم معاها صنفين جانبيين.. احنا اختارنا بطاطس وخصار سوتيه
في كمان طبق السلمون فيليه بصوص الزبدة والليمون، طريقة تقديم الطبق نفسها شيك أوي وتليق بفخامة المكان، نوع السلمون اللي بيقدموه حلو أوي وصوص الليمون بالزبدة طعمه غني ولو بتحب السلمون هيعجبك أوي الطبق دا
في بقى أطباق آسيوية مميزة جدًا، زى تشكين ساتاي، دي عبارة عن قطع فراخ بصوص الصويا والتوم والسمسم، طعم مختلف بس حلو أوي
ومن أطباق دول البحر المتوسط اختارنا طبق تشكين سيسيليان، دا عبارة عن مكعبات فراخ بصوص كريمي مع البسلة والفلفل الألوان
من الحاجات الجميلة إنك بتبقى قاعد مستمتع بالأكل مع المزيكا “أغاني إيطالي، وفرنساوي وإنجليزي قديمة” وجو المكان نفسه هادي جدا والخدمة هناك فعلا أكتر من ممتازة
تقدر تحجز Romantic dinner و تتعشى على ضوء الشموع والترابيزة بتكون متزينة بالورود و بلالين منفوخة هليوم “اللي بتطير دي” كل دا ب 150 جنيه و بتختار أي حاجة تعجبك من المنيو “مش ملتزم ب Minimum charge” أنت كمان هتاخد معاك البلالاين هدية
وتقدر تطلب من المطعم وجبات Catering وتختار أي نوع أكل بأي كمية، يعني لو عندك شركة وعايز وجبات، أو عندك فرح أو أي مناسبة وعايز تجهز فيها بوفيه كبير وأصناف مختلفة أو حتى تطلب منهم وجبات تكفيك طول الأسبوع وتوصلك جاهزة عالأكل أو تتسخن بس.. أكل شرقي، غربي، آسيوي، لحوم، فراخ أسماك، ومتخصصين جدًا كمان في الأكل النباتي

عنوان مطعم VIA 82 Restaurant & Terrace
المعادي، تقاطع شارع 82 مع شارع 7 قريب من محطة مترو المعادي

رقم تليفون دليفري مطعم VIA 82 Restaurant & Terrace
01015732464

صور و منيو مطعم VIA 82 Restaurant & Terrace
خروجات حوزو
وسم :

اترك تعليقاً

لن يتم نشر عنوان بريدك الإلكتروني.