fbpx

رقم و منيو مطعم جو اند كو Jo & Co

Jo & Co
فطار في الزمالك ب75 جنيه
تعمل حسابك
الشمس تبقى طالعة
تنزل الصبح بدرى وتروح ع الزمالك اتمشى شوية
يعني هتفطر و تتمشى في الزمالك و شوارعها الجميلة، وسط الڤلل و القصور و المتاحف و تقضي اليوم كله مع اصحابك و الخروجة دي مش هتكلفك غير 75 جنيه و كمان بتختار مع الفطار اي مشروبين للفرد (قهوة، شاي، عصير) زي ما تحب و مفيش زيادة خدمة ولا ضريبة
العرض دا على كل أطباق الفطار و الفكرة في Jo&Co انهم بيقدموا اشهر الاطباق من كل دول العالم عشان كدة هتلاقي المنيو فيها فطار انجليزي، لبناني، شرقي و كلهم احلى من بعض نبدأ بال English breakfast حاجة شيك اوي تليق مع اجواء الزمالك، بيبقى عبارة عن بيض مقلي مع شربحة بيف بيكون هوت دوج، سجق و مشروم سوتيه الطبق دا سعره الاساسي في المنيو 89 جنيه بس في العرض دا طلبناه ب 75 جنيه و شامل الخدمة و الضريبة و كمان عليه مشروبين هدية
طلبنا كمان “اومليت حالومي” الاومليت بيتقدم ملفوف لفة شيك كدة و جواه صوص طماطم بالريحان و قطع الجبنة الحالومي و بيتقدم معاه جبنة حالومي مشوية على عيش توست محمص .. طريقة تقديم الطبق نفسها شيك اوي و تفتح نفسك جدا عالاكل و الحالومي المشوي دا تحفة
نيجي بقى للفطار الشرقي “المصري” فول و طعمية و اومليت و جبنة بالزعتر و زيت الزيتون و طبق تاني جبنة بالطماطم و سلكة خضراء، بيتقدم معاه سبت عيش بلدي و شامي .. يعني فطار شرقي كامل متكامل بس تعليقي الوحيد إن الطعمية بيعملوها “Mini” حلوة بس صغنونة اوي
بعد الفطار دا طلبنا شاي نحبس بيه، بيتقدم في براد ازاز شفاف انتيكا اوي مع الاستكانة.. فا تفضل تشرب بمزاج كدة فنجان في التاني
الاجمل إنك بتبقى قاعد في اجواء شيك، قاعد بتفطر و انت بتسمع المزيكا و كل الديكورات حواليك ابيض X ابيض منظر مريح للعين، و في رسومات جراڤيتي على الحيطة حلوة اوي مممن تتصور قصادها مع اصحابك
مواعيد الفطار:
من الساعة 9 الصبح للساعة 2 الظهر

عنوان مطعم جو اند كو Jo & Co
الزمالك، شارع 26 يوليو الرئيسي، مول تيفولي وايت، قبل مدخل فندق جويل

رقم تليفون دليفري مطعم جو اند كو Jo & Co
01210888891

صور و منيو مطعم جو اند كو Jo & Co
خروجات حوزو
وسم :

اترك تعليقاً

لن يتم نشر عنوان بريدك الإلكتروني.