من غير ضريبة ولا خدمة هتدلع باحلي انواع الباستا و الطاسات و ساندوتشات برجر و حواوشي باقل اسعار هتشوفها
‏
المطعم : Bubalus
المكان ده في وقت قصير جدا بقي من احسن الاماكن في القاهرة اللي بتقدم الاكل اللي بنحبه باستا بكل انواعها و ساندوتشات برجر و فراخ و حواوشي و طاسات لحمة غرقانة في الجبنة السايحة .. و اهم حاجة هناك ان اللحمة اللي شغالين بيها سواء سندوتشات البرجر او في الطاسات او في الحواوشي و في اي حاجة هتطلبها بتبقي لحمة فريش و بلدي ١٠٠٪ و ده بيبان معاك جدا في طعم الاكل اول ما تدوقه
عندهم تشكيلة كبيرة من الباستا اللي مش هتبقي عارف تطلب مين فيهم من كتر ما كلهم احلي من بعض :
باستا بنا بيستو : و دي بتبقي بصدور الفراخ و المشروم و صوص الريحان و غرقانة في الجبنة الموتزاريلا و طعمها بيكون خرافي خصوصا و هي لسه نازلة سخنة
فتوشيني سترجانوف : و دي لاصحاب المزاج العالي عبارة عن مكرونة بالصوص الاحمر و لحم سترجانوف و مشروم و بصل و عليهم صوص الدمجلاس مجرد شكلها بس بيجوع
باستا بنا بابلوس : من احلي الحاجات اللي ممكن تجربها هناك عبارة عن مكرونة قلم بالصوص الابيض و البيبروني و تركي مدخن و بيكون و مشروم و موتزريلا ميكس كده عالمي
بيعملوا كمان طاسات عالمية حاجة كده لازم تروح بنفسك تجربها و هي لسه نازلة سخنة و مليانة جبنة تشد معاك لحد فوق منهم طاسة الكوردن بلو و طاسة السترجانوف
عندهم كمان اختراع حلو جدا و هو البطاطاس Bolonise و دي بطاطس باللحمة المفروم و صوص الديمي جلاس و صوص الجبنة
ده غير انهم كمان عاملين عروض جديدة لكل الكروش :
٢مكرونة و ٢ بطاطس و ٢ بيبسي ب ١١٩ ج
٢برجر كريسبي و ٢ بطاطس و ٢ بيبسي ب ٩٩ج
و احلي حاجة ان الاسعار عندهم كلها زي ما هي في المنيو من غير لا ضريبة زيادة ولا خدمة

عنوان مطعم بوبالوس
٥ عمارات الشرق للتأمين امام الحديقة الدولية – مدينة نصر

رقم تليفون دليفري مطعم بوبالوس
01152772882

صور و منيو مطعم بوبالوس