سحور عالنيل قصاد برج القاهرة
مفيش أحلى من انك تقعد تتسحر في تتمزج بنسمة الهواء الجميلة بتاعت اخر الليل و انت قاعد عالنيل و حواليك أشهر معالم القاهرة .. قعدة بشوات كدة فيها هدوء و روقان بالدنيا كلها
أي مكان تختاره هتبقى شايف منه ال View الجميل دا
السحور الأول
فول، بيض، طعمية، جبنة بالطماطم، بطاطس، خيار و طماطم، زبادي، عيش بلدي و مياة
السحور التاني “التركي”
شكشوكو بالطريقة التركي، فول، جبنة بالزيتون، بطاطس محمرة، خيار و طماطم، زبادي بالعسل و مياة
بتختار أي سحور من دول ب ٩٠ جنيه للفرد و السعر دا حلو اوي بالنسبة للاسعار الإمكان اللي على النيل
طبعا الفول دا أساسي ((الذخيرة اللي بتصمد معانا اليوم كله)) بس ممكن بقى تجربه بكذا طعم مختلفين سواء زيت، سمنة او تختار من الاضافات فول بالسجق او الفول الدمياطي “خلطة جامدة” و البيض بالبسطرمة كمان من الحاجات اللي كانت وحشانا اوي على السحور
أحلى حاجة في “ستيدج” انه مكان مناسب جدا للعائلات و في نفس الوقت للشباب، و الStaff هناك ذوق جداً و تحس انهم بيتعاملوا معاك كضيف في المكان مش زبون و دي حاجة مهمة جدا تخليك فعلا تحب المكان أكتر تسمتع بكل لحظة في اليوم
** يُضاف ١٢% خدمة
مواعيد الفطار من الساعه ٤ للساعه ١٠ بليل.
مواعيد السحور من الساعه ١١ بليل للساعه ٣ الفجر.
مواعيد مكتب الحجوزات من الساعه ١ الضهر للساعه ١٠.
العنوان :
أول مرسي ع الكورنيش بعد كوبري الجلاء قبل نادي اليخت من ناحية شيراتون و قسم الدقي..داخل مرسي السلام.
