Voyage Lounge
ازاي مكان بالقعدة دي و الشياكة دي و شغال بالاسعار العجيبة دي!
أطباق السحور بتبدأ من ١٥ جنيه .. يعني السحور كله ممكن يكلفك أقل من ٥٠ جنيه!
عشان انتو هتستغربوا زينا 😲 حطينا المنيو في أول أربع صور
الفول ب ١٥ البيض ب ١٥ الجبنة ب١٥ وعلى فكرة الاسعار دي مش هتدفع عليها ضريبة زيادة
التقيلة بقى إن الاكل حلو اوي 👍 و القعدة أجمل
و نصيحة بقى انزلوا من بدري عشان يكون عندكم وقت كفاية تلعبوا بنك الحظ و في العاب تانية كتير حلو اوي “ببلاش” و كمان الڤيو حلو اوي من فوق و حواليك الاضاءة و زينة رمضان في كل مكان
طول ما انت بتتسحر هتبقى سامع انغام التخت الشرقي 🎻 و الاغاني الرمضانية .. بحد الاجواء الجميلة دي لازم تلحق تستمتع بيها و تخرج مع اسرتك و أصحابك و تتصوروا مع شجرة الدهب
أكتر حاجة عجبتنا الفول بالزبدة و في اختراع جديد أسمه “الفول الميكسيكي” بصوص حلو مع ال Sweet corn عشان لو كل يوم بتاكل فول عالسحور تجربه بطعم مختلف، و في كمان طعمية مكسيكي و طعمية بالجبنة و البسطرمة ((الطعمية من اول ما نزلت ريحتها عملت قلق)) 🤩
بعد الاكل بقى لازم تجرب الزبادي بالفواكه ((كينج الترطيب)) تحس انك بتاخد معلقة فريون بتنزل تطري على قلبك على طول ❄️❄️
في اختراع كدة اسمه “لهيطة”
بعيدا عن إن اسمها يفطس من الضحك بس هي فعلا قطايف چامبو محشية تفاح و كريمة لوتس و زبيب .. اختراع يا كوتش
و عندك كمان الكنافة بماء الورد .. تشيز كيك بالفواكه البرية
بجد دا من أكتر الامكان اللي حسينا فيها ببهجة رمضان و مينفعش تفوت رمضان من غير ما تتسحر هناك
الاسعار بيتضاف عليها ١٢٪ خدمة بس
رقمهم
01006838048
العنوان
مول ميراكي كومبليكس، بجوار دار القوات الجوية، شارع صلاح سالم
الدور التاني، قصادك اول ما تطلع من الاسانسير