المكان: Tabali Bistro الصباحات الحلوة بالنسبالنا بتتمثل في وجبة فطار مصري معتبرة في مكان رايق وهادي نبدأ فيه اليوم..وفي أثناء محاولاتنا للعثور علي حد يقدر يحققلنا المعادلة الصعبة دي اكتشفنا أن صحاب المكان ده بيقدَّروا الفطار الشرقي زينا وبيحاولوا دايما ياخدوه لLevel تاني في الحلاوة ولقينا انهم وصلوا لأعلي ليفل في الافتكاسات علشان الطعمية عندهم بتتحشي موتزريلا وليمون معصفر والفول أنواعه مبتنتهيش وبيعملوا البيض علي هيئة بيتزا غرقانة كمية رهيبة من الموتزريلا ومتشبعة فلفل الوان وزيتون ومشروم فبيتزا بجد يعني وتخيل بعد كل ده تلاقيهم مخصصين ركن للفطير لوحده وجايبين من كل بلد طريقة وعلي رأسهم طبعا الفطير المشلتت بتاعنا ? ولو عايزين تعرفوا أكتر عن الحاجات الحرشة اللي جربناها هتلاقوا وصف اكتر ليها مع الصور اللي خلي المكان يعلق معانا إنهم اهتموا بالatmosphere والديكور نفس اهتمامهم بالأكل وعظمته فعاملوا قعدات بأكتر من موود منها حاجات كلاسيك واعلانات قديمة علي الحيطان هتتحسك بنوستالجيا مع شكل العيش وهو بيتخبز قدامك مع الالوان الكتير والزرع هتلاقي بهجة وروح حلوة ومختلفة للمكان ❤

فرع التجمع الخامس: ١٠٦ تاون سنتر – خلف سيتي بنك – متفرع من شارع التسعين
فرع الزمالك: ١٣ شارع أحمد حشمت – بجوار سعودي
فرع مصر الجديدة: ١٨ شارع نزيه خليفة امام محطة مترو الاهرام – الكوربة

التليفون: 19061