المكان: تكية المليجي خروجة الأكل البلدي الحرش المصري هي الخروجة الوحيدة اللي بتتم بسرعة علشان تقريبا مفيش حد مبيحبش الأكل ده او يقدر يقاومه خصوصا أن دايما هتلاقي كام أكله فيه كرشك بيروحللهم تلقائيا فسواء اتفقتوا أو اختلفتوا هتقدروا تاكلوا من نفس المكان من غير ما تبوظوا الخروجة ? وكتير لما بنحب نعزم حد أو بنقرر نتمزج بالجريمة دي وندبها ونبقي متطمنين لمصدر ونضافة الأكل بندور علي مكان حلو وشيك منحسش فيه بزحمة ودوشة علشان نقدر ناكل علي روقان..وبالنسبالنا المليجي من أحسن الاماكن اللي ممكن نروح لها في المهندسين علشان الأكل عندهم كله بلدي وطعمه بيتي ومعمول بحب ومخدوم جدا ده غير ان كل حاجة بتتعمللك في وقتها فالاوردر بياخد ٣٠ دقيقة تقريبا علشان كل حاجة تجيلك فريش ومظبوطة ? صاحب المكان بقاله اكتر من ٣٠ سنه في المجال فعارف وفاهم يعني ايه قعدة أكل حلوة ورايقة فمظبط الديكور وعامللك كنب وكراسي مريحة علشان ترحرح وانت بتدبها والStaff هناك لطاف جدا فهو من الأماكن القليلة اللي بنخرج متكيفين من كل حاجة فيها وبنقدر نقول عليها انهم متخصصين في كل أكلة بيعملوها ?

العنوان: ٦٠ سور نادي الترسانة شارع صلاح جاهين – متفرع من أحمد عرابي – المهندسين

التليفون: 01142897772